منتديات مسك الغلا | al2la.com - عرض مشاركة واحدة

**آلمتفائله** · 04-17-14, 06:37 PM

المتفائله يالله حيها ..
رجعت لك ولكم باكك لي أنا هــع

الله يحيك هلا بك يالمتبلد

نبدا بسم الله ..
1/ ماهو رايك بالمتبلد , اكتبي سطرين عنه ،،

انا ترى مادقق بالاعضاء كثير ولكن ماشاء الله عليك
محاور جييد جدآ

2/ لحظه غضب المتفائله ماهي

اكثر شي يغضبني هو التجاهل

3/ هل المتفائله لها منتدى غير مسك الغلا

نعم عندي منتدى اخر مسجله فيه من 2009
ولكني ماشارك فيه بس اتصفحه
ومسجله ايضا بمنتدى نسائي ولكن مشاركاتي اكثر شي بمسك الغلا واتصفحه اكثر شي

4/ ماهو رايك ب المسابقات الموجوده حالياً ب مسك الغلا

مسابقات كثير عجبتني ولكن للأسف بعضها انهمل وصارت مهمشه وماهتمو الاعضاء بمسابقاتهم اللي انشئوها

5/ هل المتفائله لديها فكرة تضيفها ب مسك الغلا

كان عندي اقتراح وليس فكره وطرحته
لكن للأسف محد ساندني فيه

6/ ماهو رايك ب المراه السعوديه ..

بعيدا عن المجاملات ..
اشوف المرأه الحين بشكل عام تبي الحريه وتبي تسوي نفسها
فرري وكمان عشان اكون صريحه مره اكثر شي اكررهه بالمرأه السعوديه النفاق والغيبه والنميمه والمثاليه الزايده عن حدها والتكلف لدرجه ماتهتم بحالة زوجها الماديه تبي اللي تبيه وبس حتى لو تخليه يتدين اهم شي تطلع وااو
خصوصا وقت العزايم تتكلف بكل شيء حتى الناس يمدحونها
مع الصفات الشينه اللي هي الغيبه والنميمه
احب اذكرهم انو اكثر اهل النار نساء
والله يحمينا منها ورفقا بأزواجكم ولاتحملوهم فوق طاقتهم
طبعا هالكلام اللي قلته ماينطبق على كل بنات حواء مو كلهم زي بعض
عشان ماظلمهم ولكن كثرانين والسموحه ي بنات حواء
هذا هو واقعنا للأسف

7/ ماهو رايك ب الشاب السعودي ..

للأسف عقليته سطحيه ليس الكل ولكن الأغلب
يقيم المرأه على حسب جمالها الشكلي ونسى جمالها الخلقي
والحين طالعين لنا بموضه جديده وهي اخذ راتب الزوجه
ويتشرط لازم يتزوج موظفه وصار زواجه مصلحه
مع كل هذه العيوب بآدم وحواء الا انهم مكملين لبعضهم البعض والله يعين
يعني الوحده ماعاد تبي الزواج بسبب البلاوي اللي نسمعها عنكم
وهذا غير عن الخيانات والامراض والله المستعان

8/ ماهو حلم المتفائله

حلمي الوحيد هو حسن الخاتمه والجنه قبل كل شيء
ثم بعد ذلك تأتي احلامي التي اريدها في الدنيا

9/ ماهو راي المتفائله ب الحب عبر التواصل الاجتماعي

لا اؤومن بالحب ابدآ وانا اراها مجرد سد لفراغ عاطفي كبير جدآ
الحب يأتي بعد الزواج فقط < وجعلنا بينهم مودة ورحمه تلك الآيه القرآنيه كافيه كدليل
والموده معناها اعمق واوسع وابلغ وافضل من الحب ..

10 / صائد الطرائد عبري عنه ب سطرين ..

الأخ صائد صارم وصبور وباله طويل ع الاعضاء
ومدير منتدى ناجح اكتفي بهذا .

11 / من يستحق الاشراف العام غير المتفائله ..

لا اعلم هالمجال اتركه لصائد ..

12 / كم وقت المتفائله ب النتـ ..

كان وقتي غير محدد ولكن الآن تغير وقتي على النت
واصبحت اقلل وقتي بشكل كبير اكتفي ب ساعتين فقط
لأن كثرة الوقت عند الانترنت اثر على صحتي سلبيا
لم اكن اهتم بتغذيتي جيدآ لأني لا اشعر بمرور الوقت
ثم مرضت وتعالجت الآن واخذت درسي من وقت النت

دمـتِ بخير .. ولكِ حريه الاجابه

اسئله راائعه استمتعت بالاجابه على كل سؤال