السلام عليكم
انا جدا حزينه بسبب فراق والدي وبسبب بخل اخواني علينا حسبي الله ونعم الوكيل انا بقولكم عندي 3 اخوان اثنين موظفين وواحدبلكليه اﻻول راتبه سته اﻻلف والثاني عشره اﻻف وخمس ميه اﻻول يصرف على بيت بس موزي الوالد الله يرحمه ﻻ با القطاره اما الثاني ابو عشره اﻻلف بخيل مره ما يبييصرف على البيت ويتحجج با الديون وهو عنده ديون بس يبقى من راتبه ثمنيه الالف يرفض يصرف على البيت يقول انا مومسؤل عليكم عندكم راتب ابوي يجيلي انا واختي وامي كل وحده من راتب ابوي الفين ريال وش تسوي هي مصروف لي ياالله تجيب لي ابي اجمع لان عندي عمليه في مستشفى خاص ومستحيل يعطوني ولا راح اطلبهم وابي اخذ دورات واكيد من راتب ابوي ابيهم بس يقضون للبيت حرام عليهم اخواني ابوي موصيهم علينا هم مو متزوجين وساكنين معنا في نفس البيت هم بس يبونا احناء نقضي للبيت وياكلون ويتمددون يعني معتمدين علينا انا احناء الي نقضي المواد الغذا ئيه وياكلون ويسهرون مع زملاهم وهم بخيلين علينا لو متزوجين كان عذرناهم مفروض هم يقضون للبيت واجب عليهم افكر اني اشتكي عليهم والله لنا3 اسابيع ما ناكل اﻻساندويش وجبنه واذا طلبناهم يقضون لنا ب300 ريال يقولون ما عندنا وعندهم كرهتهم هم ما يبون يتزوجون يعني ضايعين ابيهم يقضون لنا لنهم ياكلون ويشربون معنا ومره جت فاتورة الكهرب حدود 400 ريال قالو نقط معهم في فاتورت الكهرب الرجال قومون على النساء ما فيهم رجوله كرهتهم اول كنت انا وامي واختي نقط ونقضي البيت من كل شي بس يجون ياكلون ويشربون ويتمددون ولا حمد ولا شكر والله عيب عليهم ودي اشتكي عليهم هل انا معي حق ولا ابالغ
ابي راي الرجال .
رحمك الله يا والدي كنت عايشه ملكه وانت عايش .حتى اذا قلت لهم قضو للبيت قالو اطلعي من بيتنا وهو بيت ابوي لي فيه حق زي مالهم انا تعبانه نفسيا .ملابس ما ابيهم يقضون لنا ولا المستشفى ولا الاشياء الخاصه فينا نبيهم بس يقضون للاكل والشرب لانهم عايشين معنا في نفس البيت .
اخواني تشوفوني مبالغه ولا معي حق والله يا الكهرب انا الي اطفيه وراهم والحق كل واحد عشان ما ترتفع فاتورت الكهرب ويجون في الاخير يقولون لي اقط معهم في فاتورة الكهرب .

لايجي احد ويقول اني ابالغ والله ثم والله اني صادقه وحسبي الله ونعم الوكيل على اشباه الرجال
افكر اني اشتكي عليهم~