منتديات مسك الغلا | al2la.com - عرض مشاركة واحدة

**مشكلتي** · 05-11-14, 07:01 PM

السلام عليكم

اختي شاغله كل تفكيري والله ومدري وش الحل معها اخاف تجيب لنا فضيحه والا مصيبه او شي

ببدا من الاول امي وابوي متوفين
وعندي اختين وحده كبيره بالثلاثين عندها بنت عمرها 17
ووحده عمرها 26 تقريباً او 25 عندها ولدين واحد بالروضه وواحد بالمدرسه
وانا عمري 24
عندي اخوان بحالهم ولا لهم دخل بأي وحده فينا لو يصير اي شي بهالدنيا مالهم علاقه وعندهم قناعه اللي تتزوج مالنا دخل فيها ابد مهما تسوي وزوجها مسؤول عنها مراهقين كلهم واكبرهم عمره 27 تقريبا
المهم السالفه ومافيها اختي اللي عمرها 26 والله على مااقول شهيد مافي شي محرم بهالدنيا ماسوته اكبر الكبائر مسويتها
زنا وعلاقات , تروح للبحرين مع زوجها وتصور لبنت اختي قزازاات الخمر , تاكل حبوب , صديقات داشرات وراعيات سفريات بدون محرم , تطلع استراحات وكل شي تسويه
مدري زوجها يدري او لا بس مااتصور كل هالاشياء تصير وهو غافل اشياء كبيره حيل
والله بنت اختي تحلفني أيمان وبالله العظيم وتخليني اقسم اني ماانطق بحرف وبعدها قالت لي هالطامه ع سالفة البحرين تقول ياخاله تبي تعرفني على صديق صديقها وتقول لي تراه يدور خويه له وانا متأكده ان بنت اختي ماتكذب تسولف وهي مرعوبه وواضح مستغربه الوضع مستحيل تألف وتفتري على احد
وقالت لي تكلمهم فيديو ع اللاب وانا عندها وتسولف عني وانا عندها ومن هالكلام
اختي هذي كنت اعرف ان لها علاقات وخرابيط ونصحتها ومافاد وحاولت تخرب بيتي اكثر من مره وقالت ان زوجي تحرش فيها وقالت وقالت وقالت عنه اكثر من مره بس عشان تهدم بيتي وبعد هالكلام بعدت عن الشر كله وقطعتها
اختي الكبيره تدري بمشاكلي انا واختي الثانيه عشان كذا صارت ماتصدق مني اي شي اقوله عنها ع بالها اني حاقده وبتفشش فيها
والله قطعتها وادري قطيعة الرحم ماتجوز بس بيتي وزوجي وحياتي اولى من الدمار اللي بيجيني
الحين وشلون ابعد بنت اختي ماتروح لبيتها , بنت اختي تقول لي ماعليك ماراح تأثر علي عندي عقلي
بس اختي داهيه وياخوفي تسحبها مثل ماكانت تحاول تسحبني وبتطلعني معها للاستراحات
حلفتني حلف عظيم واقسمت لها مايطلع وشلون بعلم امها اذا هي اساسًا ماتصدق شي فيها وتقول تغيرت بس لأنها صارت تغطي نقابها وتقنعها بالكلام ان صديقاتها صالحات وهم ادشر ماخلق ربي استغفر الله
وش اسوي دلوني اخاف اختي الوسطى تنكشف بيوم والا يمسكونها الهيئه وتصير عار علينا تنرجم او تجيب لنا سالفه وعيالها بيتشتتون
اخواني غاسلين يدهم منها وملوا من النصايح يقولون مافيها طب ومالنا قدره عليها دامها متزوجه
اخاف عيالها يضيعون بهالمستنقع والله راحمتهم صغار وش اسوي انا؟