منتديات مسك الغلا | al2la.com - عرض مشاركة واحدة - ياما حلا عقب العشا شبة النار (للشاعر عضيب الحربي)

**هواجيس الذكريات** · 11-23-10, 11:11 PM

(( قصيده للشاعر / عضيب بن شلاح الحربي ))

يــامــا حـــلا عــقــــب العشا شبة النار= عقب الهجوع لا رقد كل كوبه
بقفرية ياعبيد يـــودع لــه اشعار= وســـواة فنجال يــشـــــوق بصبوبه
حبه عـلـــى الـمـطــلـوب من بن وبهار= يعجبك بالفنجال صبغه وروبه
كيف يجوز لـشــارب الـكـيـف والكار= لـو دوروا به غمزة مــــا لقوبه
فــــي مـجـلـــــس فيه المشاكيل حضـار= بغيبة ردي الحظ عنهم بنوبه
اللي يــخــزوون الــمـسـير بالانظار= تكاظموا واللي جليس شوشوبه
تــلافتوا عــلــى بــعــضــهـم بالانظار= وتغامزوا مابينهم وضحكوبه
الناس فيهم يافتى الــجــــــــــود هذار= مسترحل لبليس زين ركوبه
عــراض غــرة مــســـلـــم غافل غار= يعرضه للناس لو ما حكوبه
دايــم لغرات الاجاويد عــقــار يـظـهـر=عيوب ولا درى عن عيوبه
وفيـهم تـبـيـنــي لايـســرك ولاضار= ماغير يحسب للربايع ضروبه
وفيهم حصيني قبوع قــمــــار= يوصف عــلـــى ماقيل به طير ذوبه
وفيهم بليهي على الكود صــبـــار= يصبر ولو زادت عليه الصعوبه
لا جا زمان فـيـــــه غلين الاسعار =غــدى لربعه بالمكاييل جلوبـــه
وانا جا نهار الضيق بالموسم الحار= يرخص بعمره مايعد محسوبه

الشاعر: عضيب بن شلاح الحربي