يابوي ليتك حي وتشوف حالي
تشوف وش هو صار من بعد فرقاك

صار الوطن بعدك من الناس خالي
صار... ( الوطن غربه ) بعد مافقدناك

حدتني الدنيا وأنا راس مالي
إني ... عزيز النفس . مثلك وشرواك

مافيه شي في حياتي صفالي
حتى . الورود . إن جيتها صارت أشواك

أطيح واحمولي عليه إثقالي
وأتخيلك مديت لي كف , يمناك

بعدك ولامره ترى إرتاح بالي
أصفق على كفي ندم وآتحراك

من ضيقتي ياكم أصدق خيالي
وأقوم أدور عنك وآقول ب القاك

أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟

أدري لو إنك حي ياعز غالي
يمديك.. تفزع قبل.. ماجيك وانخاك !!

ويلاه , ياحالي وماهو جرالي
ويلاه , ياقلب تعذب في طرياك

ويلاه , يابوي من اول وتالي
لا...... والله.. أول.. كان.. ينجيني إدعاك

واليوم من بعدك وش اللي بقالي
غير إني أدعي ربي يغفر خطاياك

يالله حطه وسط منزال عالي
في جنة الفردوس يارب الافلاك

واغفر ذنوبه ياعزيز الجلالي
وشرح لي صدر ضااااااق من جور دنياك