يـوم كنـت (صغيـر) يقولـون جـنّـي
ماخبر واحد علـى أمـي مـا اشتكانـي
كنـت مـوذي والـوذاء مخلـوق منّـي
كنـت اشقـا طفـل مولـود بزمـانـي
اتشـخّـص ب(الطاقـيّـه) ياعـنّـنّـي
صرت اغازل واعرف اسلـوب الغوانـي
كـل بنـات الحـارة كانـن يعشقـنـي
ابتسام..وهـنـد... واحلام....وتهـانـي
من قبل لااقـول .. "طيـري.!" يلحقنـي
ويحبسنّـي مـن قبـل لاوصـل مكانـي
كنـت بالحـاره مـن الطيـش احسبنـي
سندبـاد اللـي عـرف سّـر المـوانـي
كنت أوسوس بالشعر مـن صغـر سنـي
وألمس جروحـي علـى شانـه واعانـي
لين في مّـره .. وانـا ماشـي واغنّـي
رايــح لـدكّـان عـدنـان اليمـانـي
مّّرنـي خنجـر غـلا عشـق وطعـنـي
جايني من وين ؟ مدري بـس .. جانـي
وش تبـون بقصتـي يخـرب مطـنـي
مـا ضحـك غيـري علـيّ ولا بكانـي
اسمعـوا بـوح الحنيـن اللـي سكنـي
واعذرونـي لا خـذل حرفـي لسـانـي
لا تعّـدون السـهـام الـلـي رمـنـي
وتسئلونـي وش كثـر عـوج المحانـي
احسبونـي طـفـل محـتـاج لتبـنـي
عـن حسدهـم حافـظ السبـع المثانـي
وازرعونـي بالعيـون الـلـي جفـنـي
واقطفوني مـن علـى خضـر المعانـي
اطعنـوا صـدر اليقيـن بسيـف ضنـي
واشربونـي دمّ لـو جـرحـه نسـانـي
اسمحوا لي بيـن ( قوسيـن ) التجنـي
آخـذ المجنـي عليـه بذنـب جانـي.
آه .. منه وآآه .. منكـم.. وآآآآه منـي
من نبش فيكم ورى الصمت وحكاني !! ؟؟
ايـه امـوت بدونـه وأحيابـه كـأنـي
عايـش بدونـي غيـاب انسـان ثانـي
والله انّـه بالـوهـم يــوم يحضـنـي
طيفه يصّـدق .. وانـا اذوووب بحنانـي
أكـذب الصدفـه واصدقـهـا واهـنـي
واجرح الساعـه لاجـل خاطـر ثوانـي
واسألـوا بنهايـتـة مـشـوار فـنـي
من وشم جرحي على صـدور الاغانـي.؟
وعلموني ويـش يقـول الشعـر عنـي
هو أخذ مـن حسرتـي.؟ والا عطانـي!!
بلّغـوه .. انـي تعبـت مـن التمـنـي
ولا لقيـت اريـح مـن احـلام الامانـي
وصدقونـي موغـرور ان قلـت انــي
ماخلـق ربــي قصـيـد الاعشـانـي
وسامحونـي بـس هالـمّـره لانـيـي
طحت مـن عقلـي علـى قمـة جنانـي
ممآ تصفحت
*_*