بيض النوايا ما عليها من السود
إن جات وان ماجات ماحد فقدها
ان غاب واحدها فلاهو بمفقود
اخطت ضنونه هقوة يعتقدها
لا ناطر فزعة ولا راجي فود
ولا قلت له شلها ولا قلت عدها
مغنيني اللي عز موسى وداؤود
عن من سرج خيله وعن من لكدها
هو مادرى انه طغى عندي الزود
ونفوسنا دايم طويل جهدها
تندح مدالينا صفا كل جلمود
وراياتنا في كل قمة تجدها
من جالنا يقلط على نفحة العود
ومن راح مغنينا الولي عن بددها