منتديات مسك الغلا | al2la.com - عرض مشاركة واحدة

**مشكلتي** · 06-16-14, 06:54 AM

فتحتو القسم هذا حتى تساعدونا او تدعولنا الرجاء عدم التجريح حطو نفسكم مكاني واتمنى منكم مساعدتي والدعاء لي .
اولاً انا فتاة عمري 27 سنه اكبر وحده عندي اخت اصغر مني ومتزوجه الله يوفقها ويسعدها بحياتها لما انخطبت انا فرحت لها وقمت بزواجها ومساعدتها على اكمل وجه كان فيني فرحه ماتنوصف لما تزوجت نجي للمشكله الحين والهم والغم عندي اثنين اخوان اصغر مني واحد عمره 26 سنه والثاني 25 سنه الي عمره 26 يبي يتزوج الله يوفقه مو حسد والله بس ليش ما ينتظر اخته الي اكبر منه ليش هذي الانانيه فيه وما يفكر ولا يحب الا نفسه يحس فيني ويراعي مشاعري ونفسيتي والله ثم والله ان اخواني مو كفو انا اخاف من كلام الناس اكيد بيقولون اخته فيها عيب وتعرفون كلام الناس وانا لا ازكي نفسي والله انه ما ينقصني شي بس النصيب وش اسوي قولولي ولا تجاملوني لو تزوجو اخواني الذكور الاصغر مني عادي ولالا اخاف ينقطع نصيبي ولا اتزوج الا شايب او معدد ومستحيل اوافق حسو فيني والله انانين كرهتهم ما يراعون
مشاعري والله ثم والله انه تقدم لي واحد ورفضه اخوي ليش لانه مدخن واخواني من جنبها دشير فيني غبنه ودي لوادعي عليهم بحادث سياره تنهي حياتهم والله اذا مرضت او شافوني ابكي اقسم با الله ما يسألون عني ويقولون لي نفسيه وامي تكرهني ما تحبني تحب اخواني اكثر مني انا والدي متوفي من 7 سنوات راح سندي اخاف اسير خدامه لحريمهم وعيالهم والحمد لله لنا بيت ملك ووالدي وصى ان الدور الي تحت يكون لي انا واختي والحين مأجرينه ويبي اخوي يتزوج ويسكن فيه حتى ما يدفع الاجار وانا وامي عايشين على الضمان الا جتماعي عشان كذا اجرت الدور الي تحت حتى استفيدي لان والدي قبل وفاته وصى انه يكون لي انا واختي ونستفيد من اجاره واخواني موظفين ومبسوطين بس انانيين وبخيلين كرهتم والله ثم والله انه مو حسد بس افضفض وابين لكم معاملت اخواني وانانيتهم ما يحبون الا نفسهم حتى قالها لي قال اذا تزوجت وزوجتي موظفه اجيب اولادي عندك يجلسون عندك اذا امهم في الدوام ويضحك كني شغاله عنده هو ومرته با الله وشرايكم في اخواني اقسم با الله كرهتهم لو ابوي عايش والله ما اهتم لاني عارفه ان لي سند بس اخواني ما مدح نفسي انا انخطب كثير بس سبحان الله ماتم والرفض مني انا بس والله غصب عني وفسرت حلم عند شيخ قال يا بنتي يبيلك شيخ يرقيك انا تعبانه كم طلبت من اخواني يودوني لشيخ لكن لا حياه لمن تنادي جداً تعبانه نفسيتي ومو واثقه من نفسي تكفون ادعولي بشفاء من الحسد والمس والعين وان الله يرزقني بزوج الصالح الي يسعدني .
بارك الله فيكم~