منتديات مسك الغلا | al2la.com - عرض مشاركة واحدة

**مشكلتي** · 06-23-14, 02:49 PM

السلام عليكم ورحمة الله وبركاته...
ان شاء الله ان الكل بخير الله يجعلكم في خير دايم ..
انا كتبت هناء في قسم مشكلتي حتى افضفض وارتاح نفسياً انا فتاة هادئه احب البساطه وقلبي ابيض وطيب ما اعرف احقد ولا اعرف اخذ حقي من الي يغلط على او يقهرني اقول حسبي الله ونعم الوكيل واخليها على ربي وهو ياخذ حقي ثانياً انا انسانه حساسه جداً جداً ودمعتي تنزل بسرعه واتفشل بقول لكم المواقف الي مريت فيها وانتو احكمو هل شخصيتي ضعيفه ولا طبيعتي كذا انا لما كنت صغيره كنت جريئه وقويه واخذ حقي بيد ي اما الحين وانا في العشرينات من عمري لا ما اقدر ادافع عن نفسي وتنزل دمعتي بسرعه حتى لو كان الغلط مو مني ايه وكمان اخاف من مواجهة الناس واخاف منهم مدري وشفيني بقولكم الموقف الي حصل لي مع بنات عمي حسبي الله ونعم الوكيل فيهم كم بكوني وقهروني الله يقهرهم وينتقم منهم ...
قبل سنتين صار فيه ملكة لبنت عمي هم عددهم 8 كلهم متزوجات الا اخر وحده لما عزمونا على الملكه وكانت في البيت وما حضر الا اهل العريس واحناء عوال عمهم يعني مختصره احناء استاجرنا بيت كانو بنات عمي معنا تمام ولا فيه شي وبنت عمي الي بتملك قالت خلاص تتصورون معي لازم تتصورون قلنا طيب المهم في الشقه تجهزت وتمكيجت مع اختي وطلع شكلي يجنن كني سويت مكياجي في مشغل واستعدينا نروح بيت عمي عشان نحضر الملكه كنت انا واختي قمه في الجمال والشياكه بنت عمي الي بتملك كانت متحمسه واستقبلتنا ورحبت فينا بس انصدمت في اشكالنا حطت يدها على خصرها وقالت بشهقه كنتو في مشغل هاه قلنا لا والله احناء سوينا انفسنا في البيت المهم لما دخلت انا واختي انصدمنا من شكل خواتها لبسهم عادي قمصان والي لابسه تنوره وبلوزه موب عادتهم كانو في كل ملكه من ملكة خواتهم كاشخات ومسوين انفسهم عند الكوافيره اما هذي المره انصدمت روج وكحل وقميص وتنوره وبلوزه انا قلت في نفسي شكلهم ما يبون يغطون على اختهم يبون اختهم تكون ملكة الحفله المهم رحت سلمت عليهم وكلهم انصدمو لما شافو اشكالنا لانا طلعنا اجمل من خوات العروس ووحده منهم قالت في اي مشغل سويتو نفسكم قلنا في البيت سوينا انفسنا ذيك اليوم انقلبو علينا حركات من تحت لتحت ووحده منهم تناظر فيني باستحقار وبحقد وتكلمني بطرف خشمها المهم والله انا واختي قمنا معهم في الملكه وساعدتهم في التحضيرات رغم حركاتهم المهم ذيك اليوم حسيت فيه شي كرهونا على طول انزفت بنت عمي وجلست رحناء سلمنا عليها بنت عمي العروس انا قعدة على يمينها وصديقتها على يسارها والله يابنات ما اعطتني وجه سحبت علي وسالفت مع زميلتها وهي كانت تمام معي بس لما شافت شكلي انا واختي طلعنا حلوات كثير والله مو غرور بس ابين لكم كيف تغيرت معاملتهم بعد ما شافونا متمكيجات وكاشخات يوم جاء وقت التصوير وهي وعدتنا بنت عمي انا نتصور معها نزلو كلهم ولا نادونا جت وحده من خواتها العروس قالت الكل ينزل يتصور الا فلانه وفلانه يقصدونا انا واختي بكيفهم بطقاق بس وش تدل عليه حركاتهم فيهم نفاق الله وكيلكم يكرهون زوجت اخوهم ويحشون فيها وخلوها تتصور معهم رغم كرههم لها ليش عشانها مو كاشخه شفت منهم حركات تقهرنا انا واختي طلعت من عندهم وانا ابكي حسبي الله عليهم وبعد ملكت بنت عمي با سبوع قامت تراسلني على الواتس ولا ارد عليها وقالت ما ابيكم تزعلون انتو خواتي ونادوكم خواتي اكثر من مره عشان تتصورون معنا بس مدري وشبكم ما سمعتو شوفوا الكذب والله ما نادونا لو نادونا كان سمعنا قالت اختها الثانيه ينزلون كلهم يتصورون الا فلانه وفلانه يقصدوني انا واختي طنشتها قاعده تبرر لنفسها المهم يوم جاء زواجها عزمونا وحظرنا زواجها وسكنا معهم في البيت وقالت وحده من خواتها تعالو نامو معي في غرفتي رحناء نمنا معها في الغرفه ومعاملتهم لنا تمام هذي الي نمنا معها في الغرفه ما نيمتنا محبه او لله لا عشان تبي اختي تسلفها فلوس وتجيب لها كريمات يعني مصلحه الله يعطيهم على قد نيتهم يوم جاء وقت الفرح رحناء كلنا المشغل صاحبت المشغل شغلها جنان وتطلع الوحده ملكه وعندها عاملات وحده من بنات عمي كانت معنا تناظر فيني بنظرات حقد وكره ومن فوق لتحت راحت حجزت على طول هي واختها عند الي مكياجها حلو وقالت اختي للي تناظرني بحقد وكره اختي تبي تتمكيج معكم تلعثمت وقالت ماتمكيج الا العرايس واخت العروس وما عندها وقت وغاليه وهي كذابه ما تبيني اتمكيج عندها عشان ما اغطي عليها تبيني اكون عند العامله ومكياجها مو حلو وانا من حقي ومعي فلوس اروح عند الي تبي جات عندي وقالت تراها غاليه مره قلت معي فلوسي بعدها قالت اذا مكيجتك كذا بتتاخر العروس وحناء في المشغل من الساعه 11 ظهر راحت لها اختي الكوفيره الي شغلها حلو قالت اختي تبيك تمكيجينها قالت طيب بس تدفع 600 قالت طيب ورحت لها ومكيجتني والحمد لله شكلي طلع جنان والعروس صارت تمدح فيني ولا زعلت اما اختها الثانيه الي ما تبيني اتمكيج معهم تناظر فيني نظرات بحقد يا بنات كني سويت لها مصيبه وش تدل عليه حركاتها ونظراتها لي اختي تقول حاقده عليك كلهم بنات عمي كرهتهم ولا احب اتعامل معهم وعلى فكره يتهمونا انا حسدناهم كلن يشوف الناس بعين طبعه فيهم نفاق وما يجونا الا وقت المصالح والذي رفع السماء بلا عمد ان كل شي اكتبه عنهم صدق كم بكوني وكم قهروني نفسي اوقفهم عند حدهم وكيف اتعامل معهم وش تدل عليه حركاتهم .
ايه ونسيت شي اختي عندها حساب في الا ستقرام بنت عمي هذي الي تناظرني بنظرات حقد عندها استقرام وتحط صور عاديه بس لما اختي تزوجت وسافرت خارج المملكه صارت تصور سفراتها مع زوجها والمطعم والسوق بنت عمي صارت تسوي زي اختي وتقلدها ولما اختي قفلت حسابها سوت زي اختي وقفلت حسابها وش تدل حركاتها .
اتمنى عدم التجريح الي يجرحني والله ما اسامحه لادنيا ولا اخره يمكن تشوفون مشكلتي تافه او سامجه بس انا طلعت الي بقلبي حتى ارتاح وفضفضت ابيكم تدعولي ان الله ينصرني عليهم وتبينون لي كيف اتعامل معهم هل اتعامل بنفس اسلوبهم ولا اطنش وكيف اخذ حقي بيدي ولا اخاف من احد ~