ياهيــــــه ياللي مشغل البال طاريه
مدري على بالك ولـــــو مره اطري
اشوف طيفــــك كل يـــوم مواريــه
في نظرة عيوني وفي سج فكـــــري
الله لو تدري عن الصدر وش فيـــــه
يـــاللي غدا طيفك بما فيـــه يدري
لولاالبشر واحسب حساب المشاريه
فكيت من صدري لك الباب بحــري
وتشـــــوف قلبٍ ذابلاتٍ عراويـــــه
مسلوب لبـّــه من غيابـــك ومهري
ولو شفت نار اِجفاك واهْيا تصاليــه
تدري بقدرك يـــــــاحبيـبي وقدري
فان كـــان باقي من بَعَدها تخليــــه
اسحب عراوي القلب من قبل تسري