RoyalBlue"]

اقدم لكم اول قصيدة لي في المنتدى واتمنى تكون على ذائقتكم
ومانستغنى إذا فيه ملاحظه او أي نقد


"""""""""
شِلتها شيلة ملبي حامدٍ للي عطاه
طامعٍ في جود ربي وارتجي أعظم كريم
======
قلت من نفسٍ زهيده عِزّها ماهو بِجاه
ماطلبت ريش النّعام ولا ترف عيش النعيم
======
أدعي الله ان يبلّغني حبيبٍ في سناه
يلتقي دربه بدربي ومايفرّقنا ظليم
======
يارواية هايمٍ قلبه تعلّق في سماه
ردّدي صفحات وأحرف تِنكتب في جو غيم
======
هاك منّي يالقصيد اسمٍ ينوّر في علاه
يبتدي بحروف إسمي وينتهي بالحرف ميم
======
لي تصّور هاجسٍ يسري ويسرح في غلاه
عايش بيومي وأمسي أحتري نفح النسيم
======
آه من شوقٍ تخيّل كل يوم إني معاه
يِنتشي في داخلي ذكراه وأحلامي تهيم
======
شي في نفسي يِحاورني إذا فِكري طراه
ليه يادنيا وجوده في حياتي مايديم
======
السّفر دونه عذاب وزاد في جوفي شِقاه
وكل يومٍ في زماني بالسّفر أصبح أليم
======
مل صبري وطال همّي انتظر لحظة لقاه
ليتني طالب إيدينه قبل هالسفره تِخيم