.















* طوفة !!


ياللي تقول : ان صاحبك مغرور
هالكبرياء مخطوف من خوفه

طفلٍ كبر فجأة وعاش الدور
واستسلمت لحموله كتوفه

وهو بعيد هنااااك خلف النور
تغرف ظلام الغربه كفوفه

يا كم تمنّى سيّدي الجمهور
ان تطّلع عن ما ورا جوفه

صحيح عن هذا الفضاء مغمور
شاعر : تذرّى حزنه حروفه

جرحه عميق اعمق من المذكور
واكبر من انّك تقدر تشوفه

آسف : ألا ياا ليت صدري بور
ولا انكسرت لصوت معزوفة

ولا اعترفت لهالمدى مذعور
ولا صرخت وكلي حسوفه

هـذا انا الواقف بجنب السور
حتى غديت الشرخ بالطوفه

خارت قواي ..وما عرفت آثور
لو كربلاء.. ثارت على الكوفه

شاعر : انا يا سيدي الجمهور
حرام ينسى الشعر معروفه







* عـتـيـم .!!





.