ذكرى من الخيال
في ليال ٍ نرجسيّه شفت أنا وردٍ يفوح
من بساتينٍ تعلّق ريحها حتّى الصّباح
======
كلّ ورده في صفاها كنّها نجم ٍ وضوح
يلبس الزاهي صفاته يرتديها في وشاح
======
نايفات ٍبالمقام ومعتلين ٍ بالصروح
مستظلّين السحايب مايهابون الرّياح
======
باين ٍ منطوقهم يحكي ركايز من رجوح
ياعساهم يسلمون من الوشايا والرّماح
======
مايمل إحساسي بعطرٍ يفوح بكل دوح
كاسيات الطّيب في زين الطّبايع والمزاح
======
عيّشوني في زماني ضاوي ٍ بعد الجنوح
وارسمو فرحة شجوني بقربهم والهم ّزاح
======
المسافه بيننا من اقصى بحرٍ للسّفوح
والمودّه تشتري درب الصّحاري بالجناح
======
نلتقي بالشّوق نذكر فرحنا وننسى الجروح
ارتجيها عادة ٍ تسكن حياتي بإنشراح
======
يستريح البال منهم لأنهم قلب ٍ وروح
يرتويهم خاطري وسط الخفوق المستباح
======
أعترف إني على الأشواق دايم في سروح
بالورود اللي جمعنا سِر عيّا لا يباح
======
لو جمعت سطور في صفحات عمري ماابوح
شي من وصف المزون اللي همايلها تطاح
*********