صحيح احبه ويحبني
وله بقلبي قـصر مبني
بـس الي مـا يعـجـبني
صده عني... وغـروره
يمر قربي ولا ...يسلم
ويـناظرنـي ولا .يكـلم
يترك قلـبي ......يتألم
وأنا غـرقـانه .فبحوره
هو يغلـيني وأنا اغليه
من دون الخلق شاريه
وافز من نومي اناديه
وروحي عنده مأسوره
يقلي عني ... لا تروحي
بهواكي تعلقت...روحي
بدونِك تنزف.. جروحي
وقلبي يفقد .....شعوره
حبيبي....دامك تحبني
لاتشقيني .....وتعذبني
حبني بلطافه ... حبني
ولا تخليني ... مقهوره
الشاعرة/ احلام عابره
==============
رد الشاعر/ حمد المخالده السبيعي:
{ دنياك عابره لا تفتني }
دندني يا احلام دندني
دنيـاك عابره لا تفتــني
لغير الله أبد لا تنحـني
ترى حبه ماهو ضروره
يمـر قــربـك ولا يســلم
هاوي لغـيرك وما يعـلم
ترى جــرح الهــوى يألم
كفانا الله همه وشروره
هـذا الحب وما يسـويه
وغلطة صاحـبه ينسـيه
يجـيـك او إنـك تجــيه
والحـلم يجــبرك تزوره
إسـألي قلبـك يا روحي
ويخـبرك كانه نصوحي
لا تقولين دوى جروحي
القلب يدور منه يدوره
لســان الحـال يكــذبني
وأرى الفـــرقا تعـــذبني
وشعوري يمك يجذبني
عيشي لياليك مستوره
الشاعر/ حمد بن فهد المخالده السبيعي