طبعا مافي بنت ترضى زوجها يتزوج عليها وطبيعي يكون فيه غيره

لكن لو قالها مزح وقلتله لا مرح تتزوج ولكن شفته كرر مزحه و مصر عادي يتزوج لازم يعرف انه الحياه مرح توقف عليه

فلا يقعد يهددني كل شوي بالزواج ويستقوي علي .. لان البعض يحبون البنت تذل نفسها له وتترجاه مايتزوج عليها ولايتركها
ينفخ ريشه و انه محد قده يحس بالرجوله < اللهم لك الحمد على نعمة العقل

رغم انه ورا كل كلام مزح فعل جاد

لكن لو تركته وتصرفت بعقل رح يستغرب ليش سوت هالتصرف وليش سوت كذا
رغم كل البنات مايوافقون ازواجهم يتزوجون عليهم وش معنى هي عادي عندها

بييصير عنده فضول مثل الطفل وبيجي يتقرب منها عشان يعرف

( هنا النقطه الصعبه البنت الذكيه تقدر تلعب بزوجها لعب وتخليه يشيل فكرة الزواج من راسه وكلن بطريقتها )


وكمان احب اقول انه على حسب الزوجه يعني البعض مايقدرون ينجبون يعني احرمه مثلا من الاطفال ؟؟؟

طبعا بقوله خلي اهلك يخطبون لك احسن وانا مرح اتطلق منه او اسوي فيلم هندي

لان للاسف الطلاق لو تطلقت البنت هي الخسرانه محد يقبلها ينظر لها المجتمع نظرهه دونيه

وهي بتجلس في بيت اهلها واهلها مساكين يكبرون في العمر ويشيلون همها ويخافون عليهاا
الطلاق امر مو سهل ومو على اي مشكله صغيره يتطلقون
الطلاق في حالات اؤويده مثل الضرب والخيانه
اما طلاق عشان زواج ثاني احس مال امه داااعي وسماجه وعقول صغيره

اكيد بيطلقها وهو مبسوط بيقولها مع الف سلامه والله هذا الشرع محلل اربع اللي جابك بيجيب غيرك وبنات الناس واجد

انا الصرااحه بايعه الدنيا والله يعني ماضمن الرجال اللي يبيه بيسويه

حتى كثير رجال متزوجين مسيار بالسر وزوجاتهم مايدروون

الرجال لاحط شي في راسه جااابه

يعني بما انها خربانه خربانه بكل الاحوال ازوجه بالحلال ولايبتليني بمرض بالحراام

وبعدين احس اني مستفيده بتخف مسؤولياتي عنه

يفضى لي الجو اقعد ادلع نفسي وادلع عيالي مو اكرف 24 ساعه ولا الحق على عيالي ولا على زوجي

خليه يكرفها الثانيه وانا اتهنى بكوفي وكريمه وام بي سي 2 وافلام فلله وورعاني حوليني

وهو يعيش حياته وانا اعيش حياتي معززه مكرمه

اهم شي يعطي عياله مصروف ومايقصر علينا ... يعني عن نفسي ماتوقع اني اعطيه فوق طاقته من ناحية الفلوس

لان طلعاتي قليله جدا احب البيييت كثيررر ولاني بنت راعية مصااريف

وكمان احب اكون الاولى في حياته مابي اكون الزوجه الثانيه ولا الثالثه ولا الرابعه ..
لاني بكون انا الاصل وهم التقليد <

هذي وجهة نظري وترا كل بنت يختلف ردها عن الثانيه