السلام عليكم ورحمه الله وبركاته

يسعدلي مسائكم

اول حاجه بحكيلكم قصتي معاه قبل سنه تقريبا
كونت دايم اروح عند صحبتي ومراَ اخوها لمحني بالغلط
ومن بعدها صـار دايم يسئل اختو عني المهم شويا شويا
لما جا وحاكني وقال لي انو حبيتك وابي اخطبك
ويوم وراء يوم لما سرنـا طول الوقت نحكي مع بعض
لدرجه انو من نصحى لما ننـام مع بعض وننام سواَ ونصحى سواَ
واكلنا سواَ كل حاجه نسويه سواَ حبني حب م يعلم فيه الا الله
وانـا بعد احبه بشكل ومتعلقه فيه مراَ مراَ مراَ
المهم كان مرات يحاكي ماما ويقولها انا حبيت بنتك
وبحطها ف عيوني ومن هالحكي
المهم قبل كم شهر خطبني وكلنا كونا خايفين من بابا
المهم بابا الاسبوع اللي راح عرف انو خطبني
جالس يمدحو ويقول والله مافي مثلو واخواني وخالي
والعايله كلها تمدحو كلهم يقولو والله م يتعوض
و مافي شيء يخلينا نرفض

بابا بعد مدحو كلنا فرحنا انو مدح اكيد حيوافق
بس طلع بابا مرا متعصب قال والله مَ ياخذها
سئلتو ماما ليه فيه شيئ الرجال قال م جا منو الا كل خير
لكن قال لو كان حربي كان عطيتو بس غامدي والله م ياخذها

وربي ويشهد ربي عليا انو من كثر م بكت قهر قبل يومين اغماء عليا
و ودوني المستشفى مثل الميته وانا حمدالله استخرت كثير حتى روحت
الحرم مرتين واستخرت وماما و اخواني بعد كلهم مرتاحين
وهوا لما عرف حلف م يتركنـي لغيرو وحاكي ماما ومن قهر قال لها
باخذها ان شاء الله بطيب لو م قدرت بقوه ولو م قدر بخطفها

يَ ناس وربي احبه ويحبني ومَ اتخيلو لغغيري ابد ولا اتخيل نفسي لغيرو

انا عمري 18 وهواَ عمرو 27


وربي هالشيء م يرضي ربي ولا يرضي احد
واللي يقهر يقول مافي شيء رجال وكل البنات يتمنونو
بس غامدي والله م ياخذها

ي ناس بابا متعصب بشكل يعني
عادي لو جا حربي مو كويس وحيوان وكل شيء
و اي شخص من قبيله ثانيه و رجال ومحترم

والله يعطي الحربي ولا يعطي الرجال والمحترم

تعبت وربي

دحين انا ابي اجلس مع بابا واحاكيه بس ابـي منكم حكي ابي اسلوب يحنن قلب بابا ويهديه
وربي اكتب لكم و دموعي ع خدي

و اعتذر لو طولت عليكم يسعدكم ربي