وش اللي صابِني ياصويحِبي قِل

أناجي بالعِشِق شوقي وميله

======

وأهيم بهاجسي واسرح ولا أمِل

وأدندن بالفكر صُبحي وليله

======

أسافر به مسافات ٍولا أدل

طريقٍ يختصر سكه طويله

======

أبي دايم معه واكون له ظِل

ويصبح غايتي بعد الوسيله

======

أحبه حُب ماحبه بعد خِل

ولا قِد صار في عصر الجليله

======

ضُوَى روحي ينير القلب يشعل

يداعبني همال المزن وسيله

======

يفوح بزيزفون الورد والفل

نسايم عطر وانفاسٍ جميله

======

يغرد لي بتغاريد البلابل

أبي قربك ويقرب لي واجي له

======

هلا باللي لفى يادنيتي هِل

تعال بعالمي وخلك دليله

======

أنا منه وله والقلب مايل

واضمه داخل العين وأشيله

======

أصير بشوفته صاحي وعاقل

وفي بعده مثل مجنون ليله

======

بعد عمري شبيه البدر كامل

عسى ربي يحفظ عمره يطيله

======

كلام المختصر بالزين قايل

هويته وماأبي احدٍ بديله

وسلامتكم