ما كُلْ حلمٍ له تِقُود الخطاوي
البعض منها لا وصلته ولا شي


ما يكفي اِني للملاقاة ناوي
مادام إن الأمر ما عاد بِيدَيّ


لي قلبٍ أخضر للملذات غاوي
لَكِن نفسي مامشت يوم للغي


معادلة صعبة م تقبل رشاوي
م اقدر اناظر شي اصلا م هو لي


احيان تاخذني بجو الغناوي
وتعيد لي ماضي طواه الزمن طي


واعيش فيه احلام شخصٍ هواوي
ايام مرت مثل ما يجري المي


راح الزمن راحت معاه الهقاوي
والشمس ما ترحم إذا طلعت الفي


تقلّصت في النفس ذيك الرجاوي
ما عاد أدري ويش سوى الزمن بي


أدوِّر النسيان كِنَّه مداوي
ليل طويل يرتقب لحظة الضي


سُهيل