إن شفتني أجمع شتاتي ماهو عيب
باكر مع الأيام تجمع شتاتك
وإن شفتني شايل جروحٍ معاطيب
باكر يصير الجرح أبرز صفاتك
أكبر مصيبه في زمان العذاريب
إنّي أحبك وأنت حبك لذاتك
الطيب لو إنك تجازيه بالطيب
ماكان تالي الوقت هذي سواتك
إن كان ماعديت روس المراقيب
ماني كفو أصلاً أنام في عباتك
شفني مقدر عند عكف الأشانيب
مانيب من تومي عليه بعصاتك
الله معك .. رح وين ماودك تغيب
هذي حياتك .. وأنت حر بحياتك