سلم على واحد من الناس غالي
يطلب عيوني كان يبغى عيوني
العين له دامه حبيبي لحالي
والقلب له دايم ودايم حنوني
سلم على من هو سكن في خيالي
بعده ترى كل البشر اجحدوني
سلم على من هو سكن بشمالي
قله ترى حبه وصل للجنوني
سلم على قلبي وعمري وحالي
سلم عليهم كلهم لو يبوني
البالي باله لو يقولون بالي
والعين عينه لو سكن بالجفوني
والدم دمه لجله الدم سالي
والدمع دمعه يابشر ارحموني
والليل ليله كم سهرت الليالي
اكتب حروف اسمه على كل لوني
اسهر انادي عالي الصوت عالي
هجرك ياخلي زاد قلبي طعوني
اقرب وداويني بطعم الوصالي
هجرك قتلني والهجر مايهوني