ياسـاعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا أتلع الجيد
واسحب على حرفي لحون الربابه
حرفي بصوتك يا أجمل الصوت تغريد
يا رمز حبي هــاك رمز الكتابه
يا صبح عمري فيك للعمر تجديد
وحبك يجدد كل يومٍ شبــــــابه
للعيد والقمرا وحسنك مواعيد
وليل الهوى شرّع للأحباب بابه
يا ما زعجت الصوت باسمك تراديد
وياا مــا نسيم الوجد يمك سرابه
ويــاما تمنيتك على بــاقي الغيد
وأقول مثلك يا غلى الروح مابه
يا قطرة الغيمه على يابس البيد
رد الحيـــاة لخافقي يا ذهـــــابه