مـالك رجى ياقلبي فيهم ولالي
حيله على نسيانهم لو تناسـيت
راحوا وأنا عايش وحيد(ن) لحالي
تايه ولا لحظه بعدهم تهنيـت
هـذا جزا من كان يسهر لـيالي
ياما عليهم في دجى الليل ونيت
لجل الوفا أشقيت فكري وبالي
كلـ(ن) نسى الماضي وانا أقول ياليت
راح الزمان الي نعيمه صفالي
مثل السراب الي من أجله تعنيت
صار الشقا والهم فوق احتمالي
عقب اتصافي بالتجافي تجازيت
مـــاباقي إلا ذكرهم في خيالي
ذكرى تجيني كل مصبحت ومسيت
ياقلب لا تبكي على ضيم حالي
انسى ترا مالك رجا وإن ترجيت