يا موت تكفى رجع الي اخذته
الصاحب الي ضحكته تبري الروح
شف حالتي يا موت جسمي نحلته
خله معي يا موت لو يوم ويروح
وين الصبر يا ناس قلبي فقدته
وش لي بدنيا ما بها ضحك ومزوح
يبوني انسى شخص مبطي سكنته
اهو سكني وصرنا اثنين في روح
مرحوم يا شخص عزيز فقدته
راح وتركني شايل الهم مجروح
وصيتي لين مت وقبري دخلته
حطوني جنبه وانا فاقد الروح
يهل دمعي لين مني ذكرته
طيفه معي من وين ما جيت واروح
لا تذرفون الدمع دامي وصلته
خلوني بجنبه اسد جرح مفتوح