طالما انتي واثقه انك كنت ماشيه معاه بما يرضي الله ورسوله فخلاص ياقلبي لش تتضايقي
وسبحان الله هدي خيره لك وماتعرفي ايش ربنا مخبيلك من خير وصدقيني احمدي ربك كثير ولاتتعبي نفسك وخليكي مؤمنه تماما انو ربنا حيعوضك بالي يستاهلك واحسن كمانا
حاليا انت دحين فكري في دراستك والنصيب حيجيكي ياقلبي وماعليكي من كلام الناس وخليكي واثقه من نفسك وبس وصدقينيي الناس حتى المتزوجه والي عايشه احسن عيشه برضو حيتكلموا عليها يعني في كل الاحوال الناس حيتكلموا
وابع اقلك كمانا حاجه امم قريبتي اطلقت وعمرها صغير والسبب مافي توافق ولا انسجام بينها وبين زوجها وبس بعد فتره اتقدملها واحد وربنا عوضها والحمد الله هيا دحين مرة مرتاحه
ادعي ياقلبي في نهايه كل صلاه انو ربي يرزقك بالانسان الي يخاف ربنا فيكي ولاتتعقدي من شي والرجال ماهم سوا

وانا حادعيلك كمانا ومتيقنه في داخلي انو حيجيكي الي تتمنيه