"وعليكم السلام ورحمة الله وبركاته "
ماشاء الله تبارك الرحمن مشاركات الكرام الذينا سبقوني بالصميم وكافية "
وبضيف م لدي أولاً : لاتنسين ان المسلم أمره كله خير وان ظن فظاهره غير ذالك .
انتِ مازلتي صغيرة والعمر قدامك عيشي حياتك "

وطالما انك ذكرتي " لا استطيع ان اقول عنه انسان فأنا لا اريد الحديث عنه"
تفسير كلامك انه صعب اكمل الحياه معه " يعني مافي توافق ولا انسجام
والحل الوحيد هو الطلاق "
اخذتي لقب مطلقة بـ مقابل انك تكسبين نفسك وراحة بالك .
المشكلة عندك مب عدم الرضى بالقدر لا
انتِ مو متقبلة كلمة مطلقة من داخلك فـ شيء طبيعي انك تتحسسين من تصرفات الاخرين
من كلامهم حتى نظراتهم وان كانت عادية .. وتظنين انهم يجرحونك او متعمدين ذلك !
عزيزتي لو أتينا للعقل ماهو الطلاق: انفصال ارواح لم تتفق هـذا المعنى البسيط ..
وبالاول والاخير انتِ م بيدك شيء , لاتحملين نفسك فوق طاقتها
لاتشعرين نفسك بالذنب والندم ع شيء ربي أراده وانتِ سعيتي فيه حتى تم طلاقك .
تصالحي مع نفسك وتقبلي نفسك كما هي " مطلقة " وش يعنـي عاادي انسانة مثل غيرهـا .
مب انتي اول وحده ولا اخر وحده تنفصل عن زوجها وتاخذ هالقب .

ابصم لك بالعشرة اغلب المجتمع صار متقبل وراضي وصار واعي أكثر من قبل
موضوع الطلاق صار عادي وم راح يغير شيء
مطلقه _ او مطلق > بنهاية حظهم ونصيبهم والله يعوضهم .
ياما سمعنا حريم تطلقوا بغض النظر عن السبب واساس المشكلة منه هو او هي ؟
_ وعاشوا وكملو حياتهم وتزوجوا وانجبوا اطفال . ومشت حياتهم
لاتكبرينها ولاتتحسسين من الاخرين ترى محد فاضي لاحد
وسالفة مطلقة بـ تبرد لما يعرفون السبب انه منه هو ؟
انتِ انسانة متعلمه وفاهمه ودام م صدر منك شيء وم قصرتي معه .
فـ خليك واثقه من نفسك امشي وانتِ رافعه راسك وكملي حياتك كأن شيء لم يكن.

ادعي ربك ف صلاتك بأن يرزقك بـ زوج الصالح اكثري من الاستغفار فوالله له تأثير عجيب
الحياة قدامك عيشيها بكل لحظه طنشي تجاهلي ولاتعكرين مزاجك وتنكدين ع نفسك بنفسك..

الله يرزقك بابن الحلال الي يسعدك ويسر خاطرك ..