روايتي بعنوان (حبك سكن فيني)
...
م حلل النقل الا باسمي mjnontah_305

بسم الله الرحمن الرحيم


الشخصيات :
الجد غازي / ابو بندر طيب و حنون عمره68
الجده الجوهره/ ام بندر طيبه و متمسكه بالعادات والتقاليد عمرها 60
بندر / ابو محمد عمره 50 يموت بعياله وخصوصا دلوعته دلوعة العايله شيخه يشتغل بشركة ابوه

محمد / عمره 20 حنون ويموت ب اخته معضل شعره اسود و عنده عوارض متهور ومغازلجي درجه اولى عنده غمازات وابتسامته تسدح

شيخه / عمرها 19 خلوقه و هااديه حيل كتومه بشكل مو طبيعي شعرها اشقر وعيونها وساع خضرا طالعه على جدتها جسمها حلو طبيعي
تحب بنات عمها بشكل مو طبيعي
اكيد تسالون عن ام محمد هي توفت بعد م ولدت شيخه و الشي هذا متعب شيخه حيل خصوصا ان ابومحمد ياخذ محمد الشركه من الصبح و ساعات م تشوفهم الا العصر ومن المغرب اخوها يطلع م يرجع الا نص الليل

....


فهد/ ابو عبدالعزيز عمره 44 حنون ويحب بنت اخوه شيخه ويغليها حيل يشتغل بشركة ابوه
زهره/ ام عبدالعزيز عمرها 40 طيبه حيل و اللي بقلبها على لسانها
عبدالعزيز / عمره 21 داشر مغازلجي و مغرور حبتين فله و سامج درجه اولى جميل و مخقق نص بنات الشرقيه
غاده / عمرها 19 عوبه لسانها طويل تعرف تاخذ حقها بيدها شعرها اسود سواد الليل لين كتفها عيونها مكحله جمالها جمال بدوي

نوف /عمرها 16 هاديه و م تعرف تاخذ حقها شعرها بني فاتح عيونها وساع وفيها نعسه خفيفه فيها غمازه بخدها اليسار

.....

الجوري / ام حمد عمرها 40 علي نياتها

سعد / ابو حمد متوفي
حمد / معضل جميلل فيه غمازات و عنده عوارض يحب يقعد مع عيال عمانه و ربعه عمره 22 متوظف بشركة جده
نسيم / عمرها 19 داشره هالبنت خبله فيها غباء الدنيا بس جميله وطيبه شعرها كستنائي فاتح عيونها بني فاتح و وساع جسمها يميل حق الليسا ونانسي طبيعيي

....

مريم / ام راشد عمرها 50 طيبه على نياتها
عبيد / ابو راشد عمره 52 يحب عياله ومدلع بنته بس ي ترا شنو نهاية هالدلع ؟

ميره / عمرها 19 شخصيتها اكس راعية شباب مغروره ومحد يحبها بس يجاملونها عشان عمتهم

راشد / 6 سنين



فاطمه / ام فارس عمرها 50 حنونه حيل
هيثم / ابو فارس عمره 52 طيبه م يحب شي اسمه عصبيه موفره حق عياله كل اللي يحتاجونه و عمره م رفض لهم طلب يشتغل بشركة ابوه

فارس / عمره 20 بدوي بحت راعي بر يشتغل مع ابو بالشركه عيونه مكحله وسيم بمعنى الكلمه


رغد و وعد / 16 سنه رغد دايم فاصله شخصيتها قويه وعن مية رجال وعد هاديه شخصيتها ضعيفه خوافه بريئه جمالهم غربي عيونهم لونها ازرق فاتح شعرهم اشقر ملامحهم تجذب

....







البارت الاول الجزء الثاني
قامت من النوم على صوت المنبه عقدت حواجبها بانزعاج سحبت جوالها وصكرت المنبه وقامت بكسل وراحت الحمام ( اكرمكم الله ) اخذت لها شور وقعدت تحط كريماتها خلصت و طلعت لها بدله من ماركة شانيل عباره عن تنور ضيقه لتحت الركبه لونها فيروزي و توب ابيض مع حزام ذهبي فيه حركه خفيفه حطت ميك اب خفيف وقلوس وردي و تعطرت بعطرها المفضل و خذت عباياتها وشنطتها ونزلت بس تذكرت انها بتمر نسيم و غاده ركبت السياره وهي مستعجله لان الساعه 8 بيتاخرون على المحاضره اتصلت على نسيم

قامت على صوت جوالها وهي معصبه
ردت بصوتها البمحوح : الله حيها يالزباله في احد يقعد كذا خربتي حلمي انا وفارس احلامي
شيخه وهي كاتمه ضحكتها : اقول اكليي زقق وانزلي انا تحت بسرعهه
نسيم : ماني رايحه الجامعه
شيخه بصوت خله نسيم تخاف : نسيموووووه اخلصي علي والا والله انزل اسحبك من شعرك

نسيم وهي تضحك : طيب وصكرت
دخلت الحمام خذت لها شور سريع يصحصحها بعد 5 دقايق طلعت بدلت على السريع لبست سكني اسود و تشيرت ابيض قصير عليه كتابات بالاسود وجففت شعرها المبلول سوت اطرافه ويفي خفيف وحطت فيونكه سود و كحل و مسكره وقلوس وري وشوز نايك اسود وتعطرت وسحبت عبايتها و طرحتها لبستهم واخذت شنطتها و طلعت بسرعه فتحت باب السياره وركبت

شيخه : اخيرااا شرفتي يالملكه
نسيم : اكليي تراب بتصل علي غاده عشان تخلص
شيخه وعيونها على الجوال وتضحك : تيب
نسيم : وش وش عيدي
شيخه تخشن صوتها : قلت طيب ي طويل العمر
نسيم ضحكت وطلعت جوالها واتصلت على غاده
بعد ثلاث رنات ردت : هلا هلا بو الشباب تراني خالصه يلا تعالو بسرعه
نسيم : اشواا كنت بذبحك يلا اجل عشر دقايق واحنا عندك وصكرت
غاده بوزت وتكلم نفسها : اصلا الناس يغارون مني عشان كذا صكرت بوجهي
بعد عشر دقايق رن جوالها وطلعت
كانت لابسه سكني جينز ازرق فاتح فيه شقه عند الركبه وشكله واو وتوب رمادي قصير شوي عليه كتابه وعقد لولو و كعب وردي ممزوج مع اللون البرتقالي تعطرت و ولبست عبايتها ولفت طرحتها وطلعت وركب السياره و وصلوا لجامعه هي والبنات
عند قروب حبتين ( وعد و رغد و نوف)
بالثانوي
جالسين بالفصل و ويرفعون ضغط الابله
الابله : وجعع توجع عظامكن ي قليلات الادب
نوف : ابله وردتك الحمره نااار
رغد : خليها ي نوف حاسبه نفسها فيفي عبدو على هالورده
البنات فطسو ضحك على رد رغد
وعد ببرائه : ابله ممكن اروح حمام
الابله بصراخ : لااااااااااااااااااا
وعد نزلت دموعها وتشاهق رغد خذتها وفتحت باب الفصل و وصلتها الحمام وردت والابله متصنمه بمكانها وتطالع رغد
نوف لاحظتها وقالت بصوت عالي : بنات الابله معجبه ب رغد
البنات يضحكون بهستيريا
رغد م اهتمت وراحت طلعت من شنطتها نوتيلا وقعدت تاكل و ايدينها كلها نوتيلا و فمها شكلها نفس البزران
دخلت وعد و عطت الابله نظرا الابله انفجعت من النظرا وطلعت من الفصل وتركته بكبره لهم وهي خايفه
\\\\نخلي هالمهبل ونروح عند البنات
كانوا جالسين بالكافيتريا

جت لهم بنت
البنت تكلم نسيم : سلام ي حلو
نسيم : انقلعي لا افقع لك وجهك ماني رايقه لك
شيخه تضحك : طيب ليه الاخلاق تجاريه
غاده : مسكينه البنت خذت جبهتها وراحت
نسيم وهي قافله معها : شوفوا اللي قدامي ذي بذبحها
البنات ناظرو وشافو ميره
ميره جت لهم بدلع وجلست : هاي قايز
نسيم وغاده والاخلاق قافله : وعليكم السلام
ميره ناظرت لبس شيخه اللي دايم راقي وماتت غيره : أمس رحت مع مامي الراشد و شرينا كل شي بخاطرنا فديتها ماما تساعدني م اتسوق لحالي نفس بعض الناس صدق انهم مساكين ( تقصد شيخه)
شيخه بضحكه : حياتي الله يخليها لك
ميره بقهر : الحمدالله عندي ام مو مثلك مو متربيه
نسيم قامت وعيونها تشببب ويطلع منها الشرار مسكت شعر ميره وقالت بصراخ : على الاقل مو نفسك راعية شباب وكل مع واحد ي وصخه
غاده قامت ومسكت ميره من الصوب الثاني وعطتها كف قوي حيل لدرجة ان طبع الاثر وطاحت بالارض نسيم استغلت الفرصه ومسكت القهوه الحاره وكبتها عليها وسحبوا شيخه اللي من قوة الصدمه م نطقت ب ولا حرف وتركوا خلفهم ميره اللي تتوعد فيهم و ضحكت ضحكه خبيثه : بردها لك ي غاده دبلل
مر اليوم عادي على قروب حبتين و رجعوا البيت وحتى البنات رجعوا البيت

في بيت ابو محمد كانوا يتغدون
ابو محمد : محمد م اوصيك على اختك انا مسافر اسبوع اوقع عقود الشركه اللي بالكويت
محمد : انشالله يبا
عارفهه ان البارت قصير مره لكن مشغوله و الحين م عندي افكار كثيره انشالله البارتات الجايه تكون اجمل
لا تحرموني ردودكم