ياشينها لا صار قلبك مع إنسان
ماهو معك قلبه مع إنسان ثاني
وأنت تناظر فيه في جو حرمان
تبيه لكن ما تفيد الأماني
ودك تصيح بعالي الصوت يا فلان
وصرخة صدى صوتك تلجّ المحاني
وعندك كلام ما يقدر بالاثمان
ودك تعبر له و خان اللساني
وقفت تنظر فيه والدمع حيران
حتى من النظره تبين المعاني
ثم صد عنك وصدته عنك منشان
يجني عليك و صرت مجني وجاني
وترجع كسير وهمّك أشكال وألوان
وذكرى اللقاء يعكس مرّور الثواني
وتعيش بالحسره ذليلٍ وندمان
تشيل همٍ ما تشيله مواني
ومن وين ما وجّهت بالصدر نيران
والناس ما يدرون عن ما تعاني