وراك ماتقولين الحمدلله وترضين بالي عندكـم ي بعد عيني 4000 الاف ريال لكم اثنتين كافية وإذا وفرتوا منها راح تكفي ويزيد منها كمان ..
نصيحة لاتسجلين بالضمان لانه راح يسوي لك مشاكل بالتأمينات وراح يجمدون الحسابات ولفه طويله
خليك ع التقاعد وقولي الحمدلله وفيه غيرك احق منك بالضمان الاجتماعي .!
واي مشروع حضانة تحمل امانه ومسؤولية انتِ قدهـا ..!
ترى الموضوع مب بسهوله التي تشوفينها اطفال وتعب ويبي لهم احد ينتبه لهم وقرف وصجه وازعاج ..
ولازم تجيبين شغالات يساعدونك ,, مشروع يبـي له تخطيط وترتيب وتوفير مكان المناسب بالاضافة إلى اخذ الاحتياطات والانتباه والحرص اي شيء يصير لاحد الاطفال عندك انتِ المسؤوله عنه ومحاسبة عليه ..
وممكن كمان مشروعك يفشل ومحد بيجيب اطفاله عندك ..!
الفين ريال تقدرين توفرين وتاخذين بهاـ دوره كمبيوتر او دورة انقلش .. وتتوظفي باحسن الشركات ..
ترى الحين الشهاده الدراسية ماتهم كثر الخبرات ودورات .. وهذي نصيحتي لك ولنفسي ..
وتقدرين تاخذين دورة تجميل وتوزعين رقمك ع الاقارب والاصحاب وتستقبلي الناس فـ بيتك ..
كمان فيه وظائف حارسات امنية بالجامعات وظائف وجدتها بالمدارس الاهلية بالاضافة إلى المستشفيات استقبال
وحراسه ع حسب احتياجهم ..
انا الآن تركت المجال التعليمي لان مالي رغبه بالعمل فيه واكتفيت بالكلوريا وباخذ دورات كمبيوتر + انقلش وبتوظف فـ احد الشركات الي صاحبها وعد ابوي
بيوظفنـي فيهـا وبحاول اكمل جمعي لدراهم واكمل تعليمي عن بعد واخذ الماستر فـ " ادارة وتخطيط "
لاتيأسِ حاولي وتقدري تستفيدي وتكملي دراستك وتعيشي حياتك بسعاده ورضى ..
وزواج قسمه ونصيب وماتدرين متى بيجي النصيب , ويعني المتزوجات مبسوطات الله يصلح الحال وبس !
المهم لاتنسين ربك كريم ويغير من حال الحال ..
الله يوفقنا جميعاً ويكتب لنا الخير ..