تسأليني ليه أحبـــك وأسألك نفــس السؤال
ليه أحبـك جـاوبيني يمـكن إنتـي تعـرفيـن
لـيـه أنا قلبي تعلق فيـك يـابـنت الحـلال
ليـه وش معنى عشقتك دون كـل هالعالمين
علميني ليـه أحبـك ليــه قلبـي معـك مـال
ليه دمعاتـي تناثر كـل ما إنتــي تبعــدين
ليـه دايــم في خـيالي صــورتك في كل حال
في فرح ولا بتعاسـه.. فـي شقا ولا بحنـين
ليه طيفـك فـي عيـوني ما يبـارح هالمـجال
شاغــل فكــري وبالـي كـل لحظه وكل حيـن
آآآهـ ياكـم ســؤال حـايـر وسـط الخيــال
وآآآهـ ياويـن الجــواب اللي يريحني سنيـن
أسـأل أسـوار المدينـه عنك وأنقاض الجبال
وأسأل رمال الصحـاري وأسأل الليـل الحزين
وأسـأل دمـوعي الغريقه ليه دمـعي منك سال
ليه قلبي فيك هايـم .. وشهو السر الثمـين
ليـه مـدري بـس عشقـتك عشـقن لحـد الهبال
صـرت ما أشـوف بعيـوني غير زينك أي زين
تسأليني ليه أحبـك ؟؟ وليه مـيت عـالوصال
والله مــدري صدقيـني نـفسـي ماعنـدي يـقين
ودي أعــرف ياعيـوني وش إجــابة هالـسؤال
ليه أحبك ؟ جاوبيني .. يمكن إنتي تعرفين