ماشاء الله الي قبلي ماقصروا
إذا كنتِ فعلآ الام فنصيحتي لك
تكلمي مع بنتك بصدق وصراحه وضحـي لها انها للحين صغيرة ع هالمواضيع احكي لها ان هالقصص فاشلة
حتى لو كان ولد خالها هو للحين صغير مثلها وممكن يتهورون ويسون اشياء اكبر وجهيها وضحي لها
انتِ اكبر منها وفاهمه بامور الحياة فما اتوقع راح يكون صعب عليك بوسه وضمه لصدرك وصلي لها نصايحك باسلوب سهل ولين البنت إذا احست انه احد مهتم فيها وبامورهـا راح تفكر وتراجع نفسها ..
وإذا م قدرتي عليها افتحي الموضوع مع والدهـا اخبريه
وحاولوا توصلون لحـال وتتفاهموا معها وتنقذوهـا ترى ممكن هالموضوع مايمر بسلام وهالعلاقة تجر علاقات
وتمشي بنتكم فـ طريق الخطأ لانكـم رضيتوا اول مرة وسكتوا فـ راح تظن ان الموضوع عادي ..!
هـي فهـذا السن بحاجة احتواء بحاجة احد يهتم فيها يحسسها بحبه واهتمامه بها
خليك صديقة بنتك مستودع اسرارهـا ,, حاولي تشاركينها بـ حل واجباتها خليها تساعدك بامور المطبخ ,علميها بعض الطبخات اخذيها معاك إذا خرجتي من المنزل حسسيها انها شيء مهم فحياتك ويومك مايكتمل ألا بها ~
وكليها بعض المهام اعتمدي عليها فـ بعض الامور حاولي تكتشفي مواهبها وتساعديها ع تنميتها ..
البــنت إذا انشغلت بـشيء وحست بأهميتها فحيـاتكم فـ اكيد راح تحس بمسؤولية وتنتبه لنفسها..
المهم حاولـي تشعرينها بـمراقبة الله لها وان هالامور ماترضي الله وتخدش حياء البنت وعفتها ~

وإذا كنتِ انتِ البنت :
اي حب ي صغيرة وانت فهـذا العمر
عمرك 14 سنه ورااك مشوار طويـل ليه تشغلين نفسك بمواضيع اكبر منك
طيب ممكن هو يشوفك اخت ويحبك من محبة اخواته ~
ليه تفكيرك شطح لبعيد حتى لو قال لك كلام حلو ولا حتى مدحك يظل كلام ومابينفعكم بهذا العمر
لا هو قادر يتقدم لك ولا انتِ تقدري تتحملي مسؤولية زوج وبيت وحمل واطفال
خلي تفكيرك واقعـي وعيشي عمرك فليها وانبسطي لاتشغلين نفسك بالحب وخرابيطة
ياما بنات راحو ضحايا للحب ,, لاتقولين ولد خالي ولا ولد عمي آدم هو آدم والشيطان مامات
إذا سمعنا قصص اخوان يعتدون ع اخواتهم فـما راح تكون صعبه او غريبة ع ولد الخال ~
احفظي نفسك لاجل رضى ربك وسمعة هلك وراحة بالك ~
امامك مستقبل تطلعي إليه واجتهدي اجعلي لك هدف فالحياة تسعين لتحقيقة اما الحب
فلا انصحك باتبعه وانظري لحال بنات الاصلاحيات ,ولقطاء عند المساجد والمستشفيات والمزابل
هــذا نهاية الحـب وهـذا طريقة إذا ماحاولتي تنتبهين لنفسك وقلبك
اشغلي نفسك بامور تفيدك وتعود عليك بنفع والحب لاحقه عليه إذا وصلتِ المرحلة تكونين ناضجه وقادرة فيها ع التفكير واتخاذ القرارات المناسبة لك ووقادرة تتحملي نتائج تصرفاتك

ربي يحفظك من كل سوء