يقآل أحيآنآ أن ذكريآت الطفوله تبقى فقط مجرّد ذكريآت طفوله جميله
لاننسآهآ ,,
ولكن ,,
هنآ تذكرّت جمآل الطفوله ,, والتي عشت بهآ مرآرة الكبر ,,
إليكم هذه القصيده ,,

ألآ يآطفل لآتكبـر كـذآ أجمـل كـذا أطهـر
كذآ احلى ليا صارت بـراءة طفـل بشعـوره

كذآ يمكن اقولك انك تنام الليـل مـا تسهـر
كذآ تزهر لك الدنيا تعيش بنفـس مسـروره

كذآ همّك ليـا طآلـك يجيـك الدمـع يتعـذر
وتمسح دمعتك لعبه .. ولوح اسود وطبشوره

كذآ شفتك وانا احاول احـد الدمـع لايظهـر
اشيلك بين يدّيني واشوفـك داخـل الصـوره

كذآشفتك وفي عينك سـؤال ٍ صعـب يتفسّـر
سؤال ٍ شآل من عيني دموع القهر مكسـوره

كذآ صرخه بدت منك ( أبي أكـبر أبـي أكبـر)
الا يآليت هالصرخـه بقـت داخلْـك مثبـوره

كبرت وجآك مطلوبك طموح ٍ غـرّه المظهـر
كبرت وضآقت الدنيا وضآق الحرف وبحـوره

كبرت وشمعة آمآلك بدت تصغر.. بدت تصغـر
وتصغر دآخلك حتى تلاشـت عنـك مجبـوره

كبرت وماتت افراحك وصارت بالشعر تذكـر
تردّد مامضـى قصّـه لطفـل ٍ ينتظـر دوره

كبرت واكرمك ربي وصرت الشاعر الأمهـر
او إنك شاعر ٍ عادي خذآك الكبر فـي نـوره

كبرت واوّل ابيآتـك وربـي للأسـف تقهـر
روايه للزمـن لكـن روايـة كـذب مبتـوره

كبرت وداخلك قلـبٍ علـى مافـات يتحسّـر
وضاقت دنيتك حتى بدت فـي شبـه بلـوره

بقيت اناظر الصوره وانا راضـي بمـا قـدّر
إلهي وارتجي عطفـه مـدام إنـا بمقـدوره

ألا يآطفـل مليتـه كبيـرك للزمـن سـطّـر
حروف ٍ نآجت الغيمه بكت واقـول ممطـوره

ألآ يآطفل وش حدّك تسيـر بدربـك الأقشـر
من اللي سيّر الخطوه وهي بالدرب معثـوره

ألآ يآطفل لـو نآسـي ابيـك اليـوم تتذكّـر
براءة ماضي ٍ عشته طموحك لعـب بالكـوره

آلآ يآطفل ذا ليلك يصيح (ارجـوك لآتسهـر)
واشوفك تسهره دمع ٍ بكآه الشعـر بسطـوره

ألآ يآطفـل دآم إنـك كبـرت وخالقـك أكبـر
دخيلك طالبك تكفى تعيـش الطفـل وشعـوره

ابيك الطيش والفرحه ابيـك الأجمـل الأطهـر
ابيك إحساسك المآضي حيآة ٍ دوم مسـروره

وربي مآنزل دمعي وجآنـي الشعـر يتعـذر
سوى من صرخة ٍ بآتت بوسط الحرف مقهوره

لقيت إني أنـا طفـل ٍ ابيـه اليـوم مآيكبـر
لقيت إني آنا ( آلتآآآآيه ) صغير ٍ داخـل الصـوره