10-10-14, 02:45 PM
|
#8 |
| | | | | | | | | | | | | | | | | | | | | | | 
اختي الغاليه ترى اختك اذكى مما تتصورين
وعقلها ليس صغيرا
ومحتاله جدا في تلفيق الاكاذيب
انتبهوا عليها
لان عقلها فوق مستوى ال 10 سنوات
لاتصدقين اي كلمة منها
ركزي على الكلام اللي احدده لك
انتي ذكرتي انها تقول
صارت تقولي ان هاذا الولد اللي يكلمها قال لها ابعثي صورك
وان مابعثتيهم راح اجيب خبرك
واذا بعثت صورها وش يعني ؟؟؟؟
هي عمرها 10 سنوات يعني طفله وعادي
بس تفكيرها اكبر من عمرها تراها مو على نياتها انتبهي
وهل حقا بعثت صورها ام لا ؟؟؟؟
ثاني نقطه وهي الاهم انتي ذكرتي في كلامك
جائت وجهها احمر ويدها قلت لها ايش فيك
قالت لي خطفني ضربني رجعني
قلت لها مستحيل بكم دقيقة يخطفك ويرجع
وفوق كذا يضربك قالت لي بيته قدام المدرسة
اولا الكذابه الصغيره هذي مافي شاب يخطف عشان يضرب
ويرجعها عادي وبس !
الا اكيد يبي اشياء ثانيه وانتي فاهمه قصدي
كيف خطفها والحارس حق المدرسة ماشاف ولا سمع ؟؟؟
ثاني شي هي كيف عرفت انه بيت الولد قدام المدرسة ؟
يعني الا هو شكله قال لها واتفق معها !!
والاهم هل الولد يعرف شكلها ؟ كيف يعرفها هي من بين البنات كلهم
اذا مابعثت له صورها ؟
لعلمك ترى المراهق يخاف و مستحيل يسوي شي من راسه
اذا مافي اتفاق من الطرف الاخر
ثاني شي انتي تقولين هي تكذب على الناس
وعلى اساس عمرها 16 والولد تواصل معها
على اساس عمرها 16 وكذبت عليه
طيب هنا السؤال المهم كيف عرف انها طفله 10 سنوات وخطفها ؟؟
وعرف مدرستها ؟
يعني اختك خطيره ومحتاله وانتبهي منها وانتبهي عليها
لا تصدقين اي كلمة منها كوني صارمة
فاجأتني جدا بصراحه لو هذي اختي احرمها نهائيا من الذهاب للمدرسه
واخليها تدرس منازل وانا اروح معها شخصيا وقت الاختبارات
او عسى عمرها مادرست احسن من تجيب لنا فضايح
وتاكدي البنت اذا مشت في هذا الطريق من بدري وعمر صغير
مارح تقدر تترك هذا الطريق يبي لها ملاحظه طول العمر
وانصحك تاخذينها عند طبيبه نسائيه وتكشفي عليها
وقولي للطبيبه مشتبهين في حالة تحرش او اعتداء
واذا صار شي لا سمح الله تقدرون تخلونها تستمر تتواصل مع هذا الشاب
الى ان تستدرجونه وتمسكونه وياخذ عقابه اللازم
لانه استغل طفله وممكن يستغل كثار غيرها
واقول لك ملاحظه
اسحبي الجوالات من خواتك الباقيات لسه صغار ومراهقات
وفي عمر خطير حتى لو كانوا عاقلات ترى الشيطان شاطر
واذا خالك بيزعل مشكلته ترى سمعتكم اهم من زعل خالك
لو هو حريص عليهم ماكان جاب لهم الجوالات هدايا !
اسمحي لي بس كان فيه كثار هدايا انسب لاعمارهم
يمكن هو حسن نية وظن ويبي يفرحهم بس كذا غلط ومفروض انتي
من البداية تنبهينه انك خايفه على خواتك وتقولين له
ما نقدر نقبل هذه الهديه لان خواتي صغار
وانا مسؤله عنهم مثل امهم
الله يستر عليكم وعلى الجميع
|
|
|
|