أنساك ..يمكن اسويها معاك
أنساك
يمكن أسوِّيها معاك
وترحل عيوني من مدامعها عليك
وكل الدَّفاتر والسطور
في عمق أدراجي تموت
والِّليل عن بوحي يفوت
بلا غرام ولاكلام وغير صوت
والمرسمة العميا تطيح وتنكسر
عقب البنان اللي يقود
مستعجله
إمتى يصير اللي تبيه
ودِّك يصير
......
يمكن يصير
ولازم يصير
بس يوم اودِّع ها الحياة
واعيش في عمق الثَّرى
من بعدها
أنسى غلاك
وقصة هواك
في طلِّتك
بس
تضحك معي دنياي
وترحل جروحي ولاتعود
وألقى رفات الحلم عايش من جديد
لكن غيابك
غصب عنِّي
ياخذ معاهـ أجمل هدايا طلِّتك
وارجع وحيد بلا وليف
أتجرَّع الكاس المرير
واقرا حكايات الخريف