::
::
أيــه يا ليالي ساهرتها وعشتها بلحظاتها
كنت فيها غريب وأمري عجيب ..
ذقت فيها المرار وكنت أشوف من حولي أغراب
الا واحد كنت أشوفه دنيتي كنت أتحسس أنفاسه
كنت أحسب له نبضاته كنت أشوفه نور عيــني
كنت خايف عليه كنت أبي أفديـه بروحي ..
كنت بكل الليــالي أدعي ربي عساه يطول بعمره
عسى ربي يبعد الشر عنه ...أظلمت دنياي
من تعب حتى عيوني أغرقت في دمعها
وكنت اساير همها كان هو كل همي
ما كنت أفكر الا فيه محد أخذني غيــره
حتى عقارب الساعة كنت أحسبها من طول ليلي
كنت ابيها تمر بسرعة بكل لحظــة ...
آه من طول الليــالي وانا أخاف افقد لي غالي
كله وقتي خوف وأنتظار ليل ونهار
كنت أضحك وكنت بداخلي أبكي ..من كبر همي
كنت أشوف نفسي في المراية وكنت أقول وش الحكاية
البياض كاسي وجهي شيب والعمر مني يمضي
والغالي سندي وكل فخري طاح ما صر مثــل أول
تغيرت أحواله وأنهد حاله فقدناه بغيبته عن بيتنا
فقدنا هيبته فقدنا منه كلمته فقدناه بيـــننا بجلسته
آه آه كانت ايام وليالي عشت في همي وغمي لحالي
كنت أنا المريض كنت أتعب وأتوجع ...من ونته ومن آهته
كنت ودي ابيع حالي وكل مالي وعيالي بس يطيب الغالي
كم ياربي دعيتك ورجيتك أنك تحفظ لي كل غالي
مدري كيف مرت تلك الليــالي كنت فاقد أحساسي بروحي
كان إحساسي في ابوي كانت عيوني ما تغيب عن عيونه
وأنا أترقب فيه كل شي ..حركاته وأنفاسة ونبضاته