حابه اقول لكم مشكلتي وهي (امي ) لكن رجاء لا اريد تجريح*
انا وحيدة امي هيا منفصله عن ابويا عشت مع امي الاربع سنين الاولى من حياتي فقط انا عمري الان16 سنه حاليا عند امي رجعت لها وانا عمري 10 سنواات عن طريق جدتي الله يرحمه اقنعت ابويا انه يرجعني في ديك الفتره الي كنت فيها عند ابويا تقريبا 7 سنوات ماشفت فيها امي ولا حتى كنت اكلمها المهم دحين المشكله في امي
احس فيها شي امي هيا عايش لوحدها طول هذه السنين ماعندها اخوات ولا اخوان واهلها متوفين وعندها خدامتين طول ديك الفتره معاها من زمان
ادخن مااعرف متى بدات في التدخين مو قدامي في غرفتها بس والخدامات كانهم صحباتها ياكلون معنا في نفس الطاوله غدا عشا فطور وضحك ومزح طبعا هذا الوضع من اول مارجعت لها الي الان انا احسها ضايعه بالرغم انها مهتمه فيا دائما تنبهني على الصلاه والاذكار وتتاكد ادا صليت اولا وووتابع مستواي في المدرسه وتحضر وتسال عني ودائما تحكي لي قصص عن اصحاب السؤ وووو وفي قوانين امشي عليها كل شي له وقت النت التلفزيون النوم ولازم تتاكد جالسه على ايش اليوم بس ماخده راحتي لانها خارجه
تقريبا سنويا تتكرم الام المثاليه وهي متعلمه مو جاهله ووماهي كبيره في عمرها حتى اقول انها خرفت عمرها تقريبا 44
صاحبتها يجوا البيت ماتخليني اخرج من الغرفه اقولها ليه تقولي ماينفع قليلات ادب ومابغاك تختلطين معاهم بالرغم انهم يجيبوا بناتهم احيانا !!!ايجلسوا طول اليل مااسمع الا اصوات ضحك واغاني وريحة دخان هيا اصلا احسها تضايق لمايجوا
غرفتها ياويلي ادخلها مااعرف ليش وتاخد ادويه وحبوب كثيره ماعرف حقت ايه ومن يوم مارجعت لها مارحت لابويا بس اكلمه بالتليفون ولا قدامها لازم .
مره كلمته بدون مااقولها قلي هيا مانعتك تجي عندنا وتشوفين اخواتك ادا منعتك قولي اشتكي عليها واجيبك عندي !!! حسيته قاسي قهرني ليه كدا يبغى يجننها !!
تخيلوا امس كنت اقولها ابغى اروح لابويا زياره بس وارجع عصبت وجلست تبكي تقولي تبغين تروحين وياخذك زي ديك المره ولا عاد اشوفك قصدها لماكنت في عمر 4 سنين كنت رايحه زياره لابويا ولكن ابويا مسكني عنده جدتي هيا الي رجعتني وقلت لها انا دحين كبرت اول كنت صغيره ماافهم مااعرف ادافع عن نفسي زياره وارجع بس احس عندها خوف اني اسبيها لما نخرج مكان تجلس ماسكه يدي طول الوقت مااقدر اغفل عنها دقيقه المدرسه لما عرفت انه بنات عمي فيها سارت ترسل الخدامه مغ السواق قبل لا يفتح الباب بعشر دقائق تخاف اروح معاهم
انا مضايقني حالها احسها مريضه مااعرف ايش فيها بالضبط وخوفها الزايد اني اسيبها انا ماادري ايش يسير بكره ابغى اعرف اخواتي اروح واجي عليهم اسموا انه لي اهل
لا احد يقولي اتقربي منها انا الحمد الله قريبه منها حتى صحباتي دائما يقولوا لي امك كانها صاحبتك ماكانها امك .. مااعرف ايش اقول