نهيت قلبي يعشق انسـان غيـرك
لانك حبيبي ومنزلي فـي عيونـك

انتي اميـره حسـن وانـا اميـرك
وكـل الصبايـا ودهـم يشبهونـك

الحب كلمه تستقـر فـي ضميـرك
والشوق نشـوه ماتشابـه جنونـك

ياليتنـي دلـو(ن) تدلـى فـبيـرك
اسهر على طيفك وانـام بجفونـك

خلـك قريبـه وكثـر الله خـيـرك
ما اقدر على بعدك ..ولا اقدر اخونك

بستان قلبي يـا الغـلا يستجيـرك
يطلب حنان(ن) ينهمر من مزونـك

كل القصايـد نابعـه مـن اسيـرك
تمطر حروف(ن) تستقـر بركونـك

ياللـي قصيـدي بالغـلا يستثيـرك
القلب يبصم ..حالف انـه يصونـك

وياعاذلي بخلي تـرى تـاه طيـرك
جعل المصايب تجتمع مـع ديونـك

نهيت قلبي يعشق انسـان غيـرك
لانك حياتي ودنيتـي هـي عيونـك