صباح الخير يسعد هالصباح وياصباح الخير
من شفاهك صباح الخير تطلع سكر زيادة
صباح القهوة الحلوة صباحك في عيوني غير
صباح العشق لاغنت على طاريه ميادة
صباح القامة اللي لاتثنت ماتبي تبرير
تهز عروش كل الغيد .. وتبقى لحالها غادة
صباح يشل تفكيري وأحلق خارج التفكير
صباح ٍ مايبي موعد يجي دايم بميعاده
صباح أحلا دلع .. وأحلا غنج له داخلي تأثير
صباحك وش صباحك : ماعرف وصفه ولا أبعاده
فديت الوالدين اللي لفوا بك مابهم تقصير
لفوا بالفتنة .. الا ( الفاتنة ) للقلب وأمجاده !!
تعالي طيّري سرب ٍ بقلبي يعشق التطيير
تعالي سيدة عرش الخفوق وقمة أسياده
تعالي حرري قلبٍ من همومه يبي تحرير
حلف ماتسكنه عذرا سواك ومعلن حداده !!
تعالي مهرة تجوب الخفوق وترفض التسوير
مثل ماحوط الإغريق قلب ( حصان طروادة )
تعالي بشرّي ( قلبي ) بيومً يطلبك تبشير
يبي بشرى وصال أبلا أنفصال ويعلن أسعاده
تعالي فرحي شاعر يبيك وخانه التعبير
تلعثم ضاعت حروفه لقى فيك أسعد أعياده
حبيبك شاعرً حرفه يجيد الوصف والتصوير
يبي يوصف جمالك ياعيون العشق وأجواده
فديت الغرٌة اللي ليلكيٌة قمة التٌحيير
بها من ظلمة الليل العتيم اللون وأحياده !!
تجي بأول جديل ٍ ينقسم قسمين ثم يثير
جنون الغيرة العميا بجد الجيل واحفاده
تحتها جبهتك أو مطلع الشمس وضيا التنوير
على تقويس حجان ٍ تجي كحلا كذا سادة
تحتها رموشك الغدرى سهوم .. ولاتبي تنظير
تشكّل ( دائرة برواز ) لاأحلا عيون صيادة
تحتها سلة السيف (الخشم) سيفٍ بلا تشهير
شهيقه ( طلسمة ساحر ) زفيره جن ورٌادة
هنا توتٍ سكن وسط الشفايف وأعلن التبذير
بدا ينسج بذاك اللون الاحمر نار وقٌادة
بعدها دبلة الخطبة خذت من مبسمك تدوير
ولكن مبسمك له جاذبية تفضح عناده
يزوٌد جاذبية مبسمك صوتٍٍ يرد الطير
يشك أن البشر تأخذ من التغريد ترداده
مراية جيدك السحري تعاتبني تبي تقرير
نست من زيٌن الالماس يوم التم بقلادة
بعدها بترك التفاح يتكلم بلا تكدير
يبي يُنشد على كيفه وانا استمتع بإنشاده
على خصرً تهصّر به يشح بعسره التيسير
وأحسٌ الجمع يصبح به مثنٌى يكره إفرداه
يشيله ساقك المدمج .. أو المبرم لك التخيير
على راس القدم عشر الاصابع ضمت أحاده !!
خلص بوقف ؟ بلاش أوصف ( قليلي ) يشبه التكثير
وصفت ولا وصلت لوصف يجمع عشق وريادة
أنا ماأبي سوى ( موضوع واحد ) أي (فقط لاغير)
أبى أعلن للفرح موعد وأجدد عيد ميلاده
فديتك ياعسى قلبي وصل مسكك وعاف الكير
وارقص سكر زيادة على نغمات ميٌادة !!