" وعليكم السلام ورحمة الله وبركاته "
سـ انظر للمشكلة من الناحيتين :
من ناحية الأم المقهورة ومن ناحية الزوجة المظلومة وبحاول اتوصل لحل يرضي الطرفين؟!
أولآ :
الأم وكل أم تتمنى هي الي تختار وتخطب لابنها وتزفه وتفرح فيه
فـ شيء طبيعي زعلها وطلبها من ولدها انه يطلقك
لأن الزواج بـ غير علمها يمكن لو كان اخذ رائيها وطلب منها انها تخطبك له حتى لو كانت رافضه مع تكرار المحاولة واصرار الابن ع الزواج منك راح توافق وترضي ابنها " كل أم تتمنى تشوف ولدها سعيد ومرتاح "

اخـذي الموضوع انه من حقها تزعل ومثل مازعلها ابنها هـي بتردهـا له كأنها تقول صلح الخطآ إلي وقعت فيه
ومثل مازعلتني ارضيني ..!

وانتِ يالزوجة إذا تبين زوجك اتصلي عليه وقولي انا مستعدة اروح لامك واحاول ارضيها ..
حتى لو غلطت بحقي واهانتني راح اتحملها مثل امي ..
" ولاتقولين اهانة بحقي الام انهان بحقها قبلك لما ابنها تزوج بغير علمها من حقها تزعل وحطي نفسك مكانها !
سوي لها زيارة وسلمي عليها خبريها انك ماكنتِ تدرين ان الزواج بغير اذنها .
وانك تبين ولـدها وماتبين الطلاق سلمي ع راسها كلميها ابكي لها طلعي كل إلي بـ خاطرك ..
سبحان الله احيان الكلام إلي يطلع من القلب بغير ترتيب يكون له أثر يضعف الخصم وراحة عجيبة ع النفس
..
والواضح ان زوجك مو مطنش لكن ضايع بينكم ومو عارف وش يسوي !
هو لو مايبغاك كان طلقك .!
حاولي انتِ كمان تحلي معه المشكلة لانك طرف منها ..
قبل كل شيء صلي استخارة فـ الذهاب لام زوجك وإذا كان فـ ذهابك لها ستنحل المشكلة ربي راح يسر لك وزوجك راح يوافق يوصلك لها .. ادعي ربي وخليك قوية ولاتيأسين ..

الموضوع فـ الأم لو كانت المشكلة بين الرجال يمكن لازم يدخلون فيها الرجال ..
بس طالما ان الرفض من الام فالحل بأيـدك وانتِ قـدها وقادرة تحلين المشكلة ..

اسال الله ان يُحنن قلب ام زوجك و تنحل مشكلتكم وترجعون وربي يسخركم لبعض و يسعدكم ويوفقكم ويرزقكم بالذرية الصالحة يارب ياكريم ..