السلام عليكم بنات
انا بنت سعوديه عمري19 سنه اكبر بنت في العايله بس في اكبر مني ولدين
واصغر مني 3 بنات وولد >>ماشاء الله
انا صراحه تعبت وكل يوم قبل انام اظل ابكي تعبت وربي تعبت متحمله مسؤوليه اخواني واخواتي ال 6 وامي وابوي وانا يعني متحمله مسؤوليه 9 اشخاص وال10 بالطريق >>ماشاء الله
تخيلو يومي كله شغل في شغل
يعني اصحى الفجر اسوي لهم فطور واقعدهم يصلون وياكلون يجهزون للمدرسه وبعدين لما يطلعون اشيل الفطور واطلع ملابس اخوي ابوي اكويها لهم عشان يداومون
وهذا غير الحوسه كل واحد يصايح من جهه وين جزمتي وين المشط مريولي مو مكوي عدل اخخخ وكأني خدامه عندهم
طبعا اخواتي مو صغار 17و 12و 11 سنه بس كل شي علي انا
بعدين انام واصحى الساعه 10 اسوي الغداء وافتح لهم الباب وارتب الصاله واروح اسوي لامي حليب وانتظرهم لما يجون واحضره لهم واذا تغدو كلهم ينامون واروح عاد شغل في المطبخ لين الساعه 2 واول ما اطلع يكون ابوي صحى ويبي غدا احط له الغدا واجلس شوي ويجي العصر ارووح اصلي و اقعدهم وتبدا طلبات العصر حليب شاي قهوه خبز جبن ع حسب المزاج وارجع انظف المطبخ واجلس يجي المغررب اسوي العشاء واعشيهم وانظف الصحووون وارتب غرفه اخواني وغرفه امي واذاكر لاخوي الصغير تكون تقريباً الساعه9 او 10 واجلس خلاص لما تجي الساعه 11 يجي ابوي من برا احظر له العشاء
وربي تعبت كل شي فووق راسي امي واخواتي مالهم اي دور في البيت وانا مثل الخدامه هذا من غير التجريح اذا قلت لامي قولي لفلانه او شي تقول انتي هذا شغلك وانتي اصلا طول وقتك جالسه ماتسوين شي
واخوي يقولي انتي هنا بالحياه عشان تخدميني وانتي شغلك هنا خدامه
واحيانا اكوون تعبانه واشتغل تجي وحده من خواتي تطلب شي اقولها لا ابوي يهاوشني يقول انتي وحده اسلوبك خايس
وربي اكتب وانا ابكي

مع العلم اني مداومه ع الاستغفار وسوره البقره الحمدلله