"وعليكم السلام ورحمة الله وبركاتة "
20 سنة والله صغيرة ولسة الحياة قدامك ياختي عيشي عمرك
ورزقك عند ربـك محد بياخــذه نصيبك بيجيك متى م ربي كاتبة لك ..
استمري بالاستغفار والدعاء في صلاة الليل بإن يرزقك بالزوج الصالح
ونصيحة اشغلي تفكيرك بدراستك كملي وتخرجي خلي لك طموح وهدف غير الزواج
ترى الزواج مب كل شيء ياما شفنا متزوجات مهن ب سعيدات ويحسدونا ع حياة العزوبية!
ويتمنون انهن ماتزوجن وظلن بنات ,,
لاتظنين ان كل الزواج سعاده وهنا لا يابعدي تنتهي مشاكل وتبدي مشاكل .!
وخصوصآ فـ وقتنا الحالي والله قليل الرجال إللي يعرفون معنى الزواج ويقدرون المراة والحياة الزوجية ويتحملون المسؤولية
بعضهم ألأ من رحم ربي متبطحين بالاستراحات وم يدرون عن بيوتهم ألا اخر الليل ..
بقولك قصة وحده عرفتها بالمستشفى قبل فترة ,, دخلت المستشفى وانا ضايق صدري واتذمر من هالحياة .
طلعت بشيء ثاني ..
تعرفت ع وحده فـ الثلاثين :
مريضة تشكي من الكلى والمعدة والقالون حتى الاكل ماتاكل غير خبز !
متزوجة وعندها ثلاث اطفال :
زوجها مريض نفسي ,,
اطفالها : واحد ابكم مايتكلم . البنت تعاني من مرض البهاق .ابنها الكبير معاق ..
وتقول الحمدلله الحمدلله تضحك تسوالف تعرفت عليها وكان شرف لي اني اتعرف ع وحده مثلها من كلامها واسلوبها اايقنت انها راضية بقضاء الله وقدرهـ ..
ومن رضي ربي يرضيه ويشرح له صدرهـ
ولازم انا وانتِ وكل مخلوق ع وجهة الارض يرضى بقضاء الله وقدرهـ ..
اصبري وادعي ربي واهتمي بشكلك وحضري مناسبات عائلية زواجات اختلطي بالناس عشان يشوفونك ..
واكثري من قول "اللهم اكفني بحلالك عن حرامك واغنني بفضلك عمن سواك "

والله يكتب لك إلي فيه الخير ويرزقك بالزوج الصالح الي يسر خاطرك ومزيون