يسعد الله جميع اوقاتك اخي ...#

كلآمي راح يكون مختلف عن باقي الأخوه الكرام .. وجهات نظر يجوز فيها الاتفاق و الإنقسام.

من ناحية أنها تدق عليك عشان تتطمن و تنومك هذا اهتمام منها و جزاها الله خير و لكن .. !!
أنت ذكرت ( قالت لك انها تعتبرك ولدها ) و انت تفضلت و قلت ان فيها عقم و ما تنجب..

أنا من وجه نظري الشخصي ..#

لآ باس أن رحت معها لطبيب نفسي حاول تقنعها في الشي هذا لأن من الممكن أن يكون بسبب عقمها و شده التفكير والقلق في هذا الشأن أثر على تعاملها معك. و هذا الموضوع ليس بالهين على الزوج او الزوجه.
بخصوص انها عقيم ...
روح لشيخ يقرا عليها من الافظل و اسال كبيرات السن عن المدليكات ( المساج ) للرحم بعض الاوقات يكون رآس الرحم مقلوب ..

عاد شلون تراضيها ... انت ادرى و لكن والله والله ثم والله العصبية ما وراها غير دمار البيوت أتقي لله فيها و حاول تتمالك نفسك عند الغضب ياخي ما فيه انسان كامل و حرام تكسر بخاطرها و جبر الخواطر على الله و لك الاجر ..

لك بعض الامثله لكي تراضيها ...

فضي نفسك تماما و حاول مهما وش صار ما تنشغل الا فيها.

خذ شالية اطلع يوم او يومين سافر خذ لها هدية بإمكانياتك لو ورده بخمس ريال طبعا الكلام الحلو هالله هالله فيه اسرق كم بيت شعر من قوقل ... عيش يا عم عيش

جدد حياتك انتعش ( عيش ) وش احلى من كذا


اما بخصوص أنك تتزوج ثانية لك الحق و لكن الصبر له اجر عظيـــــــم عند الله

و ان فكرت تاخذ الثانية فكر وش راح يصير بحال المسكينه الاولى

و هل راح تعدل بينهم ...؟


أسال الله لكم السعاده و الذرية عاجل غير آجل .