12-06-14, 03:32 PM
|
#14 |
| | | | | | | | | | | | | | | | | | | | | | | 
وعليكم السلام ورحمة الله وبركاته
اخي الكريم انت تقول !
عمري26سنة وزوجتي32
اول شي راح اقوله !! وش اللي خلاك تتزوج وحده
اكبر منك ب 6 سنوات تساؤلات كثيره و كيف اهلك وافقوا ؟؟؟؟؟
الموضوع غريب شوي صراحه ولو بتقول لي انك تحبها
ومايهمك عمرها كان مافكرت في الزواج من ثانيه مهما كانت الظروف!!
يمكن ظروفها صعبه عشان كذا وافقت عليك وانت اصغر منها بكثير !
و وافقت و تنازلت لك عن كثير اشياء ربما كان المهر القليل اولها
الله اعلم !
المشكلة تعاملني كأني طفل لما اسوي شى كويس
تقولي شاطر وعند النوم تبي تنومني على رجلها
ما اظن في رجال مايتمنى هذا الشي من زوجته !!!
اهتمام و دلع و كلام حلو ورقة !!
اسمح لي يا اخوي انت تفكيرك فيه خلل هي ماتعاملك انك طفل
تعاملك انك رجال وتبي ترضيك بس انت اللي تفكيرك تفكير طفل
لو انت تحبها راح تتقبل كل شي منها وتفكره بطيب خاطر
مو تفكره انه تعاملك طفل !
ولو اسافر كل شوي تدق علي كأني طفل عندها
ولو بطلع البر مع الشباب تقول لا اخاف عليك
احس تعاملني كأني طفل وانا كبير وعمري26
اسمح لي ياخوي لو انت رجال كبير كان ماتفكر بهذه الطريقه
اولا وش من رجال يسافر و يترك زوجته لوحدها ماياخذها معه ؟؟؟؟
اللي تسويه زوجتك هذا اسمه احتياج انت ماتفهم زوجتك !
هي تبيك معها تبي تحس ان معها رجال يهتم فيها
وتتصل عليك تبيك تحس ليش تطلع مع اصحابك وهي موجوده ؟؟
تخاف عليك يصير لك شي وهي مو معك
وانها تفقدك وتلوم نفسها انها ما تتصل وتطمن عليك !
كان طلعت معها تتونسون و تتمشون احسن لك من السفر والبر !
واليوم عصبت على اسلوبها معاي وبعدها قاعدة تبكي بكاء شديد
وقالت لي انها تعتبرني ولدها لان هي فيها عقم ماتنجب ابناء
اولا مافي داعي انك تعصب عليها بسبب هذا الاسلوب
لان هي مافعلت شيئ خاطئ
ما يحق لك تعصب الا اذا هي سوت شي خطا
لاتستقوي على امراه مهما كان عمرها
انا اعرف الرجال يتصرف بعقل مو يصارخ مثل الطفل
فهمها باسلوب ان هذا الشيئ يضايقك وانت قلل طلعاتك مع اصحابك
هي لها حقوق ايضا وحق من حقها
انك تكون معها وتخليها اول اهتماماتك مو وناسه واصحاب وطلعات
بصراحه انا استشف من خلال الموضوع
بانك مازلت في عمر المراهقة العقلية وليست العمرية
ثاني شي هي مو كبيره لهالدرجه عشان تقول لك انك ابنها ؟؟؟
بس قصدها انها تبي تهتم فيك مثل ما تهتم في ابنها
انت مو فاهم زوجتك ولا تحبها لان اللي يحب مايتصرف
بهذه التصرفات اللي انت تسويها مع زوجتك !
انا احس إني قسيت عليها وهي زعلانه مني
كيف ارضيها وكيف اترك العصبية
ايه انت قسيت عليها كثير على شي مايستاهل
شكلك انت اللي تدلع عليها مو هي اللي تدلع عليك !
لو تحبها اترك العصبية على شي مايسوى
لانها فعلا راح تحس انك طفل مو رجال
اعذرني ولكن يجب علي ايصال المعلومه لك
واخبرك كيف تفكر النساء !
وهي لاتنجب اتزوج عليها ولاإيش اسوي .
اخوي انت داخلت مواضيعك كلها في بعض !
قول من الاخر
انك تبي تتزوج ثانيه صغيره ومنت عارف وش تقول
لان موضوعك كله مخبص
وانت سويت اهتمامها الزايد فيك على انه تعاملك طفل
وانك تنفر من هذا الاسلوب و و و عشان تبي تزوج وحده اصغر منها
وتحس انها هي اللي تدلع عليك وانت اللي تعاملها طفله
وتحس انك الكبير بالبيت مو العكس
لا تسوي اهتمام زوجتك انه موضوع يضايقك وعذر لك للزواج باخرى
وان كان عدم الانجاب هو الموضوع الاساسي للزواج باخرى
اظن عليك مراجعة نفسك واعطاء زوجتك فرصة للعلاج
لانها ليست كبيره جدا على الانجاب فهي مازالت شابه 32 سنه
بامكانها ان تحاول خلال عشر سنين
المراه يصعب عليها الانجاب فوق سن الثانيه والاربعين
وليس الثانيه والثلاثين
نصيحة اخيره لك لا تخسر زوجه مثل زوجتك
لانك راح تندم ومارح تلقى مثلها وبعدها مايفيدك الندم
تمنياتي لك بالتوفيق
|
|
|
|