وينك .. !
ترى جانا مطر ..
غطّا شوارعنا ..
كل الشوارع امطرت ..
ماغير شارعنا !
مارحت ..
الاّ والمطر
نادالـك بصوته :
ياللي توادعنا …
غـرْقــت شوارعنا !
طشـّت سوالفنا حنين
صبـّت دفاها للحنين
وأكثر غرابيل السنين .. ما عاد تجمعنا
وينك .. ترى جانا مطر ؟؟
وش كانت الدنيا بدونك يآ هذاك الليل
تطلق عنانك للقمر .. حتى صبح قنديل ..
قطره ورى قطره
تختلط دمعاتك بريح المطر
وتصافح المنديل ..
ويتسآقط ..
جانا مطر
واستنطق الليل بسواليفه
خلف السهر
طل الشتا بنظره على صيفه
وينك .. ترى جانا مطر ؟؟
مرتني البارح طواري في محطات العمر
وانا من البارح
عرفتك
تحتريني من امر
مـرّيت .. بيديني عطر
و أنفاس و آهآت و كلآم
بعضي فرح بعضي خصآم
تربكني خطواتي
فيني عمر آآآتي
ان عاش يهديك العطر
وان غاب بسكاتي
يكفيه يشعرك اهتمام يا نبض اوقاتي .. !!
وينك ؟؟
ترى جانا مطر ..!!
الله يا صوتك
وانا اتسمـّع هالمطر ذكرني بسكوتك
تـعآل (( لا يفوتك ))
شوف الزهر
شوف الأغاني والشعر
شوف البساتين بأمانينا يعانقها الشجر
شوف الحنان اللي تركني ليله البارح وجاك
اليوم ... ينسآني معاك !
قــوم !!!
نسـّيني الجراح
مالقت هالروح اجمل من وفاك ..!!
يا وفاك ..!!
لاتخيبها ..ظنوني !! في وفاك ..