حنا قبيلة حرب بالعدل والمــــيل
لو ما طعنا بالوطن ماسكــــنا
حنا هل الطولات جيل بعد جـــيل
انشد وتلقاء صامل العلم عــــنا
حنا نزلنا نجد في ضمر الخــــيل
وطير السعد رفرف جناحه وغنا
وليا لفانا طارش يذكر الســـــيل
جينا على الدار المريف ونزلــنا
ماهي هديه بالسيوف المصاقيل
وشلف من عروق الترايب تحـــنا
صفقاتنا منها العذارى مرامـــيل
وحريبنا في مرقده ماتهـــــــنا
حنا الوهوب لينسدح بارد الحيل
من صكته لوعات بقعاء زبـــــنا
اهل بيوت للنشاما مداهــــــــيل
على الكرامه والمعزه اتبـــــــنا
فيها تساق مبهرات الفناجــــيل
وحيلن على كبار الصياني تدنا
هذا الصحيح ليا بغيت التفاصـيل
ماهي علوم الجاهل اللي تمــنا
ويوم الليالي مقفيات ومقابـــيل
ياما خذن منا وياما عطـــــــــنا