اٍُلسّلاٍْمّےُعليكم ورّحٍمْـٍُہاللّـہوًبٍرّكًاٍتُـٍّه🌸
اسعد الله صباحكم / مساءكم
بالعمل الصالح
الحقيقه خطر في بالي هذا الموضوع
بعد سهرة البارحه حيث كنت في طلعه بريه
ودار بيني وبين رجل خمسيني نقاش
حول بنات حواء في منزلها
وساسرد لكم المحاوره
قال: بنات الحين مافيهم نشاط لشغل البيت
الشغالات خربتهم ماصاروا يحبون شغل البيت
لا الطبخ ولا التنظيف
بنات اول كان الشغل كله عليهم
قلت : كانوا الرجال ظالمين ولا امي تقول انها كانت
تطبخ وتغسل وتنظف الحوش وتهتم بالغنم والبقر
وتجيب العشب والحطب والماء للبيت وتربي العيال
والرجال ماكان عندهم شغل
يجي يحصل اكله جاهز لا وتلحقه بالفطور في المزرعه
هذا ماهو ظلم للمرأه وتحميلها فوق طاقتها
قال : هذا الشغل اللي يخلي النساء في نشاط
ولا انتوا يالاجيال الجديده تحبون تريحون حريمكم
علشان كذا زاد الكسل فيهن
قلت: نحن اقرب لسنه الرسول ﷺ منكم
قال : بناتي في الاجازات ما يصحون الا الظهر
واذا كلمنها بكلمه زعلت ورجعت غرفتها
رغم انا مانقول الا لمصلحتها ولا كلفناها بشغل فوق طاقتها
لو قلنا كنسي البيت فالمكنسه كهرباء ولو قلنا غسلي فالغساله اتوماتك
ولو قلنا نظفي الحوش فمكينه الهواء موجوده
ولا عندنا غنم ولا غيرها تقوم بها
قلت : انا عندي كل الاجهزه الكهربائيه اللي تريحهن
حتى غساله الصحون كهربائيه ولكن ليش جبتها
لاني احب ان زوجتي ماتنشغل بهذه الاشياء
على ماهو اهم بنظري وانا ارى ان المرأه في بيتها ملكه
والملكه ماتجي بالشغل بل بالاستمتاع بالمنزل
قال : خلاص مدام هذا رايك احتفظ به لنفسك
والله انتم اللي دلعتموهن وكسلتموهن

ابغى آراؤكم في هذا الموضوع
وماهي السلبيات والايجابيات في تطور الاجهزه المنزليه
وهل البنت تعودت فعلا على الكسل؟ ان كان فماهو السبب
وهل يجب على المرأه ان تكون خادمه للمنزل لكي تتنشط؟
وهل كان فعلا هناك ظلم قديم للمرأه وأُنصفت حالياً؟

ارجو ان يكون النقاش ودي بحت وبدون تجريح للكبنات حواء أو ابناء آدم
المجال لكن
والسلام عليكم ورحمة الله وبركاته