"وعليكم السلام ورحمة الله وبركاته"
إذا كان الاستقرام باطل + فـ كل البرامج باطله
لان المفيد والضار فيها كلها بدون استثناء .

راح اتكلم بـ شكل عام ..
اولآ برنامج الاستقرام مثل غيرهـ من البرامج وفيه ناس تستخدمه بطريقه صحيحه والعكس موجود ..
انا كنت قبل سنه ونص كنت بتويتر كنت اشوف حسابات بنات وشباب تشيب الراس وتصوير عورات ..
لكن به حسابات مفيده ورائعه ومن يبحث عنها يجدها
كمان الواتس والله العظيم تجيني اضافات ع الواتس ارقام دولية وصور خلعيه .!
الاستقرام مثله مثل غيره من البرامج وإذا الشخص استخدمه بطريقه خاطئه لايعني ان البرنامج فاسد وغير مفيد !
انا عندي حساب بالاستقرام وانزل صور واتابع ولي متابعين بنات وشباب ويشهد الله ان صورهم متنوعه وم شفت شيء ماشاء الله عليهم ناس فاهمين واعين !
المفروض نقول :
ع حسب تفكير الشخص وعلاقته بـ ربه ومرحلته العمريه !
ولي يبي الزين بيلقى وللي يبي الشين محد يقدر بيردهـ ....
ولي بيتفشخر ويحب المظاهر ترى ارض الواقع اسهل بكثير ..
بالنهاية البرامج ماتشتغل من حالها الاشخاص هم اللي ينزلونها ع اجهزتهم هم اللي يصورون الصور وينزلونها بـ حساباتهم هم اللي يضيفون الاشخاص هم اللي يتكلمون ويضحكون ويغازلون !

نحن مش ملائكه ولا حنا بمجتمع مثالي .
الخير والشر موجود بكل مكان وهالبرامج سهلة هـالشيء
لاضعاف النفوس وضعاف الايمان والتربية ,, م قدر احكم ع برنامج وانا اشوف فيه ناس كويسه وتنشر الخير وتذكر بطاعات وتساعد ع الفائده ويصال العلم النافع وممكن مواهب واحتراف فـ تصوير والتصاميم > شفت ابداعات !

انا عندي حساب اصور فيه بعض الـ فتوى وانزلها ؟
هل انا ع باطل .!
لاتحكمون ع البرنامج تكلموا عن الاشخاص الذين يسيئون استخدام هذه البرامج خلونا نبحث عن الاسباب نحاول نوصل لحلول نحاول ننصحهم مثلآ ! .