منتديات مسك الغلا | al2la.com - عرض مشاركة واحدة - شاب يقول لفتاة يارب ضاعف لها العذاب ضعفين ..

**وهم القلوب** · 12-27-14, 08:34 PM

بسم الله الرحمن الرحيم

شاب يقول لفتاة يارب ضاعف لها العذاب ضعفين مثل ماعذبتني

اللهم صلي على محمد وال محمد

في يوم من الأيام قابلت زميلتي وهي ترتدي عباءة سوداء من القماش الثقيل وفضفاضه

تفاجئت في الوهلة الأولى لأني لم اعهد زميلتي من قبل بهذا الأحترام..

فقد كانت تلبس العباءة المخصرة المطرزه التي توحي للناظر بأنها فستان..

وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه..

بعد حديث مطول بيني وبينها سألتني: مبين عليج انج مستغربة من عباتي لأن مو بالعاده البس كذا !!

اجبتها : بصراحه ايه.. بس ماحبيت اسألج

ابتسمت في وجهي قائله: الحمدلله الي هداني الى طريق الصح

والله يوفق ويصلح اللي كان السبب..

- أي سبب؟؟؟؟

اسمعي.. السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت و الشيله شفافه وتلمع وكنت كاشفة الوجه وحاطه مكياج وانا اتمشى بالمجمع لاحظت ان شاب قاعد يراقبني بنظراته ...وبعدين
تطور صار يلاحقني ،،
طبعاً ماهتمينا فيه لأن احنا في مجمع ومايقدر يلمس شعره مني

قلت لها : ايه وبعدين ..وش صاار ؟؟

بعد ماوصلنا مكان شبه معزول بس كان فيه ناس وقفني وقال لي: حرام عليج اللي تسويه فيني .تبغيني ارتكب الحرام غصب

انا انصدمت من كلامه وقلت له: وش تقصد؟؟

قال: انتي مو شايفه شكلج مو شايفه عبايتج مو شايفه مشيتج... والله حرام عليكم تلفتون انتباهنا وتخلونا نرتكب الحرام ..

بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري..

وبعدها رجعت البيت وانا افكر في كلامه ... طول عمري اتزين واتمكيج .. بس كنت اتوقع اني بحمل سيئات نفسي مو سيئات كل شخص الفت انتباهه..

يعني اذا لفت انتباه 100 شاب بكره يوم القيامه ربي بحاسبني عليهم اكثر مما بحاسبني على نفسي

وقعدت ابكي وابكي وابكي واستغفر ربي على جهلي وقررت اني التزم بعباية محترمه واغطي وجهي عسى الله ان يغفر لي ذنوبي..

صديقاتي واخواتي لا تبالغن في زينة عبائتك فحتى لو كانت في نظرك عباءة خفيفة الألوان وزخرفة والتطريز لكن لاتضمنين نظرة الشباب اليك...

فلا تجعلي عبائتك حجه عليك يوم القيامه..

دعونا جميعاً نتمسك بالعباءة الزينبيه // عباءة خديجة وعائشة وفاطمة وزينب وأمهات المؤمنين ولنفتخر بهذه العفة .. فأنتِ عفيفة

والله العظيم محلااااااااها البنت يوم تخلي عمرها درة مكنونة زينتها حياها وعفتها

هذي الحشيم صدق لي تعرف ربها ..

غيري نفسك .. جددي حياتك ..