والغياب .. اللي يسافر بقلبك .. وش يجيب
............................غير ترديد اسئلة وين صرت...وليه رحت !
اذكر اني ... كل ماقلتلك...يالله نغيب
...........................جابتك عبره بصدرك..على صدري..وطحت!
عاد انا اكثر شخص يكره حكايات النصيب
...........................واني انزل عقب ماحب فوق ...اعيش تحت !!
خل يوم العاطفه تدفي الصدر الرحيب
...........................يوم انا بالليل ... واحلامه البيضا ...فرحت !!
انت وينك ؟ مابقى شي بالدنيا ..يطيب
...........................يوم اناظر بعدك الناس ...مدري وش لمحت !
هي شماتة عاذلين...وهقاوي ماتخيب ؟
...........................هي وجيهٍ.. تجهل اني من ايديّ ...انجرحت !
من بيفهم ... وش يدور بخيالات الصويب
...........................ياكثر ... حاولت ابين شقاي ...ولا نجحت !!
من كثر مااحكي لنفسي حسبت اني غريب
...........................عاد انا من هرجة الناس ... قلي وش ربحت!
تاقف الدمعه برمشي..على وقت المغيب
............................كنها ... قنديل بدوٍ ..بظلماهم ...سرحت .. !!
اجذب الونه ..تقل دلو وضلوعي..قليب
............................والظما كنه على صخرة الانفاس ...نحت !
ليت.. للواحد مع العالم اكثر من حبيب
............................كان لاضايقني فلان ... يم فلان ...رحت !!