01-13-11, 12:09 AM
|
#1 |
| إداري سابق ونجم من نجوم الموقع | 
سلملي عليهم يالسحاب العجول
[tabletext="width:80%;background-color:black;border:10px double black;"] > سلمي لي عليهم يالسحاب العجول
وحملي فوق متنك للحبايب عتب
ياغيوم المدينه عجلي بالهطول
نشفت ادموع عيني واعتلاها الصخب
عقب قصر الليالي عودت بي تطول
ساهر جفن عيني والمحبه نشب
الندامه مقيمه والسعاده ذلول
مثل باقي الركايب دايم في نصب
روم روس الطوايل ماهو مثل النزول
ولا هو كل المعادن لو تلون ذهب
طيرك اللي هجرته في ذراكم يجول
لا رمته الهبايب ولا هو عندك وثب
حايم في سماكم طامع بالقبول
لو ثنى الحب متنه ما ثناه التعب
يالغزال الفطينه وين ابلقى حلول
وين ابلقى لقربك يالحبيبه سبب
العقل منك صابه يالغريبه ذهول
روفي بحال منه لك حياته وهب
لا تقولين باكر لا تقولي واقول
قولي ابشر وحاضر ما طلبته وجب
~.. ودي لكم ~.. | [/tabletext] |
|
|
|