الموضوع
:
إلا محبتـك ؟أعيـت مـن يداويـهـا
عرض مشاركة واحدة
01-06-15, 12:15 PM
#
1
ريم الغلاا
الحاله »
رقم العضوية »
7727
التسجيل »
23-12-2014
فترة الإقامه »
3415 يوم
آخر زيارة »
05-06-23 (01:41 AM)
المشاركات »
2,469
الجنس »
الدوله »
إلا محبتـك ؟أعيـت مـن يداويـهـا
ياللي جفيـت وجفـاك المـر .. ذابحنـي
عقبك وجيـه البشـر .. مانـي بدانيهـا
من يوم حبك .. غـزى القلـب وتملكنـي
قطعـت كـل العـلاقـات وطواريـهـا
اقـرى رسايلـك ودمـوعـي تسابقـنـي
وارد ! واقرى الرسايل .. واحتفـظ فيهـا
انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا
ليت الفـرح ( بنـك ) لاجيتـه يسلفنـي
واقاصـده ( راحتـي ) وحقوقـه اوفيهـا
من كثر ماكنـت ! جارحنـي وظالمنـي
قمت اعـزل جروحـك بقلبـي واسميهـا
تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا
تدري متـ ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا
بكـره لا هملـوك الـنـاس تذكـرنـي
وتقول عـزاه : عينـي مـن يداريهـا ؟
مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا
يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا
اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا
واهديتني جرح .. موجعني ؟ وعاجبني ؟
لان الهـدايـا عـلـى مقدارمهديـهـا
صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا
مفضوح ؟ راع الهيام .. ونظرته !! تغني
ملامحه واضحه ! , في وجه راعيهـا
لكـل داء ٍ دواء .. لـو هــو متعبـنـي
إلا محبتـك ؟ .. أعيـت مـن يداويـهـا
ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـهـا
فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا
مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا
نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرنـي
انـك بخيـر .. وحياتـك مهتني فيهـا
مـن يـوم ماغبـت ! والوحـده تعذبنـي
اقرى ( رسايلك ) فـي حرقـه والاحيهـا
اشوف ( صورتك ) .. ودموعي تسابقنـي
وياكثـر ماجيـت أبمسحهـا ؟ وأخليهـا!
فترة آقآمتڪ :
3415 يوم
الإقامة :
في بيتنا هع
معدل التقييم :
زيارات الملف الشخصي :
987
الأوسمة والجوائز لـ
»
ريم الغلاا
لا توجد أوسمة
إحصائية مشاركات »
ريم الغلاا
المواضيـع
الــــــردود
[
+
]
[
+
]
بمـــعــدل :
0.72 يوميا
ريم الغلاا
مشاهدة ملفه الشخصي
إرسال رسالة خاصة إلى ريم الغلاا
البحث عن كل مشاركات ريم الغلاا